胡鴻鈞爆感情穩定 許廷鏗尷尬：我阻不了他說話

如果是事實又不怕認～

「華納一哥」許廷鏗去年事業運暢旺，開心到爆。

踏進狗年，「華納一哥」許廷鏗（Alfred）及「華納一姐」衛蘭（Janice）率旗下歌手衛詩（Jill）、Dear Jane、陳詠謙（Him）及曾若華（Jude）團拜，創作新貴Jude更即席solo賀年歌，更添喜氣洋洋，認真熱鬧。

許廷鏗在社交網站上載北極光相，並留下情深一句：「感謝提醒我有多幸運。」而在同一極光下，還有胡鴻鈞。（網上圖片）

網上圖片

對於許廷鏗與同性密友胡鴻鈞（Hubert）被踢爆農曆新年期間共赴冰島，出發前Alfred仍「保護」這段「蜜月之旅」，Alfred笑住說：「我唔係同Hubert去呀！」再問Alfred有冇嬲Hubert洩密，佢哈哈大笑回應：「佢亂講嘢，要幫佢開年。」

一班華納歌手（左起）Howie、Jackal、Nice、Jude、Tim、Alfred、Janice、Jill、Him大談狗年大計，大家都希望狗年事業持續起飛。

Janice堅持做人要開開心心，唔會為身形而煩惱。

去年許廷鏗事業、愛情雙贏，他承認收入穩步上揚，所以今年會大派開工利是，放完假會有新歌派台，回來會錄新歌，今年更會出新碟。問到是否要與好友胡鴻鈞一起努力？對此，他無否認，「大家一齊努力啦。」全場歌手們即起哄拍掌為他歡呼。對於Hubert自爆形容兩人感情好穩定，Alfred笑得帶點尷尬，反問：「係嘛，哈哈！好笑！ 我哋朋友嘅感情好穩定。問到Alfred會否怪責Hubert洩密？他卻力撐Hubert：「你問佢啦，唔好問我。其實我阻唔到佢講嘢，冇所謂啦，都係講笑啫。」

Tim的可愛B女Tanya變身利是封，同媽咪楊洛婷出動去拜年。

陳詠謙同老婆Angel及囝囝WooWoo一家出動瘋狂拜年。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。