有車主避免新年食「牛肉乾」，竟然出動揮春當護身符貼擋風玻璃！有網民今日於社交平台發文，指在深水埗街頭發現有私家車的擋風玻璃貼有「新春期間 請勿抄牌」的揮春，希望警員可以在新年手下留情。發帖者認為車主「少年，你太年輕啦」，應該在揮春上寫「新春期間 請密抄牌」，另有網民認為車主「做多咗」，可能引來反效果。
資料圖片
有網民今日在fb群組「小心駕駛（討論別人同駕駛態度）」發文並貼出一張相片，見到一架深灰色的私家車擋風玻璃上貼有一張揮春，上面寫有「新春期間，請勿抄牌」，希望警員可以高抬貴手，放他一條生路，而車頭未有夾着「牛肉乾」。
深水埗街頭有私家車的擋風玻璃貼有「新春期間 請勿抄牌」揮春。網上圖片
樓主笑言「少年，你太年輕啦」，並指應在揮春上寫「新春期間，請密抄牌」。不過，有網民認為車主「做多咗」，「唔寫猶自可、你咁樣寫法、阿Sir送咗兩張畀你」、「本來想放生你，咁串教佢做嘢，罰抄多幾張幫你開年」、「見到咁，抄完要入利是封，先夠誠意」、「本來唔抄！見到呢張野即抄」、「抄多幾張，你咁串呀！」、「1紅頂3白，起碼抄返3張啦」。
資料圖片
來源：fb群組「小心駕駛（討論別人同駕駛態度）」
車主擋風玻璃貼「勿抄牌」揮春，網民：做多咗。
九龍灣有司機疑無視車場出入口高度限制，強行將貨車駛入慘被「開罐頭」剷頂，網民笑「開蓬貨車」。
(FB圖片）
司機疑未有留意出入口車輛高度限制
有網民於Facebook群組「馬路的事討論區」發文，表示同事轉發他兩張照片，事發地點為九龍灣一貨運中心車場出入口，一輛貨車司機懷疑未有留意出入口車輛高度限制，導致貨櫃頂部與出入口上方牆壁發生碰撞，造成嚴重損壞。
貨車慘遭「開罐頭」車頂被鏟飛
照片顯示，貨車的橙色車頂被車場出入上方的石屎牆剷起，貨櫃的側面也被擠彎變形，入面的貨物飲品甚至被撞到東歪西倒，一名穿紅衣的男士正狼狽地整理。
(FB圖片）
網民認出涉事地點是三湘九龍灣貨運中心
照片曝光後，有眼利網民認出，涉事地點是三湘九龍灣貨運中心「好似係三湘落地牢位喎」、「三湘地下樓底好矮」、「下面最多入貨VAN，可樂車邊有可能落倒去架？」、「密斗可以入，不過有高度限制」、「個條石屎邊已經好多戰績」、「個樓底充滿歲月痕跡」、「我之前渣個架係5.5入到去，個西客係要指定交入邊個間UPS，出來個下要慢慢開」。
(FB圖片）
網民笑似「開蓬貨車」
有網民不但不同情，更取笑表示「開蓬貨車」、「可能司機昨晚開罐頭，未回魂」、「車爛咗唔緊要，貨要送埋先」、「司機：我只係識揸車，有路就行有窿就捐，其他理得你！」、「好明顯同公司有仇」、「只能怪自己冇睇高度提示牌」、「公司故意俾架比平時高啲嘅車佢揸，等佢出意外，整蠱司機」、「打工最多賠$300」。
（Google截圖）
帖文來源：Facebook群組「馬路的事討論區」
