一度靠吸氧張偉文終退燒 經理人報好消息：病情好轉

喺入住嘅老人院舍染疫，確診新冠肺炎69歲嘅張偉文，一度傳出病情惡化，持續發燒，半邊肺花，血含氧量低，要靠吸第4度氧氣，醫生指病情唔多樂觀。經大家集氣下，住院經已10天嘅張偉文傳來好消息，據經理人方俊(Aman)透露，張偉文病況經已好轉，暫時退咗燒，但詳情仍有待了解。

留院10日嘅張偉文好有生命力。

方俊喜獲張偉文好消息。

張偉文經已退燒，期待能早日康復。

Fans期待張偉文再現舞台。

方俊放生為朋友祈福。

姚煒對張偉文都好有心，不斷為他祈禱。

今日凌晨一時張偉文經理人方俊（Aman）在社交網發放關於張偉文最新消息，他留言：「剛剛聯絡到醫院護士話：偉文退燒了，感謝廣華醫院醫護人員及各位集氣祝福，其他資料要待醫生通知。」網民大讚呢個係好消息，又鼓勵張偉文加油，同時感謝方俊及一班醫護人員嘅辛勞。

方俊凌晨於社交網發放張偉文好消息。

方俊凌晨於社交網發放張偉文好消息。

網民為張偉文送上祝福。​

方俊在演唱會上與張偉文相擁哭個不停，場面感人！

方俊4月15日在新光戲院舉行《維港口腔呈獻方俊燃亮愛演唱會2024》，獲恩師「靚聲王」張偉文在台上力撐，師徒更合唱一曲《每當變幻時》，張偉文不停流淚，方俊和他相擁哭個不停，場面感人，姚煒則以特別嘉賓身份上台獻花，至於方麗盈、王美蘭及新加坡歌后麗莎則助陣演出。

演唱會一開始方俊先以演繹8分鐘電視劇主題曲medley，包括靜婷《痴痴地等》、關正傑《殘夢》等，還演繹《訪英台》《山歌姻緣》。方俊更藉著今次個唱給予視障人士發揮才華平台，邀得香港盲人輔導會轄下The Cheers 樂隊合唱《We Can Overcome》，讚揚視障朋友正面樂觀態度值得敬佩。之後姚煒驚喜上台獻花，她被感動得眼有淚光，有感而發道：「好多人問我點解對方俊好？因為我覺得喺圈中搵唔到呢種人，佢係一個孝順仔，對朋友好又真心。見到佢同視障人士演出嘅場面真係好感動，散發出好大嘅感染力及正能量，亦給予我好大嘅鼓勵。」

方俊與香港盲人輔導會轄下Cheers樂隊合唱 「We can overcome」

之後由3位表演嘉賓分別演繹自己名曲外，方俊和方麗盈合唱《叉燒包》時，麗莎姐姐在後台第一次聽到這首歌曲，更笑言以為他們唱 「衰仔包衰仔包」，大家都捧腹大笑。張偉文則成為壓軸嘉賓，方俊特別選唱了張偉文的首本名曲《離別的叮嚀》鋪排恩師出場，方俊對偉文說：「屋企我同媽媽相依為命；但喺舞台就同你相依為命，你知唔知有好多歌迷很想見到你？好關心經常問我你現況？其實呢個舞台係屬於你嘅。」張偉文即爆喊，台下粉絲狂叫「加油」，sharp醒的張偉文回應說：「我知道！」方俊感性道：「落實開騷第一時間係通知你，更特別揀選唱你嘅名曲唱畀你聽。」張偉文呼籲觀眾全場一起開著手機燈一齊唱。二人便合唱了一曲《每當變幻時》，唱歌期間張偉文不停流淚，場面感人，方俊多謝大家一直關心張偉文的健康：「今日大家見到佢係一個健康嘅人，唔理世界點變幻，我哋都係咁愛錫張偉文。」之後著全場觀眾開著手機燈來個千人大合照，將相片放在張偉文的床頭，提醒他有很多人支持及愛錫他。

當方俊為大家送上全新歌曲「鼓舞」時，方俊竟然與一班美少女中學生勁歌熱舞，美少女中學生與現場觀眾紛紛為方俊喝采及歡呼，方俊首次在台上載歌載舞，驚喜連場。Encore 時方俊一口氣唱了3首羅文經金曲《長城謠》、《好歌獻給你》、《願望就是明天》，為個唱劃上完美記號。