獲恩師「靚聲王」張偉文在台上力撐 方俊首次在台上載歌載舞驚喜連場

方俊在演唱會上與張偉文相擁哭個不停，場面感人！

方俊4月15日在新光戲院舉行《維港口腔呈獻方俊燃亮愛演唱會2024》，獲恩師「靚聲王」張偉文在台上力撐，師徒更合唱一曲《每當變幻時》，張偉文不停流淚，方俊和他相擁哭個不停，場面感人，姚煒則以特別嘉賓身份上台獻花，至於方麗盈、王美蘭及新加坡歌后麗莎則助陣演出。

演唱會一開始方俊先以演繹8分鐘電視劇主題曲medley，包括靜婷《痴痴地等》、關正傑《殘夢》等，還演繹《訪英台》《山歌姻緣》。方俊更藉著今次個唱給予視障人士發揮才華平台，邀得香港盲人輔導會轄下The Cheers 樂隊合唱《We Can Overcome》，讚揚視障朋友正面樂觀態度值得敬佩。之後姚煒驚喜上台獻花，她被感動得眼有淚光，有感而發道：「好多人問我點解對方俊好？因為我覺得喺圈中搵唔到呢種人，佢係一個孝順仔，對朋友好又真心。見到佢同視障人士演出嘅場面真係好感動，散發出好大嘅感染力及正能量，亦給予我好大嘅鼓勵。」

方俊與香港盲人輔導會轄下Cheers樂隊合唱 「We can overcome」

之後由3位表演嘉賓分別演繹自己名曲外，方俊和方麗盈合唱《叉燒包》時，麗莎姐姐在後台第一次聽到這首歌曲，更笑言以為他們唱 「衰仔包衰仔包」，大家都捧腹大笑。張偉文則成為壓軸嘉賓，方俊特別選唱了張偉文的首本名曲《離別的叮嚀》鋪排恩師出場，方俊對偉文說：「屋企我同媽媽相依為命；但喺舞台就同你相依為命，你知唔知有好多歌迷很想見到你？好關心經常問我你現況？其實呢個舞台係屬於你嘅。」張偉文即爆喊，台下粉絲狂叫「加油」，sharp醒的張偉文回應說：「我知道！」方俊感性道：「落實開騷第一時間係通知你，更特別揀選唱你嘅名曲唱畀你聽。」張偉文呼籲觀眾全場一起開著手機燈一齊唱。二人便合唱了一曲《每當變幻時》，唱歌期間張偉文不停流淚，場面感人，方俊多謝大家一直關心張偉文的健康：「今日大家見到佢係一個健康嘅人，唔理世界點變幻，我哋都係咁愛錫張偉文。」之後著全場觀眾開著手機燈來個千人大合照，將相片放在張偉文的床頭，提醒他有很多人支持及愛錫他。

當方俊為大家送上全新歌曲「鼓舞」時，方俊竟然與一班美少女中學生勁歌熱舞，美少女中學生與現場觀眾紛紛為方俊喝采及歡呼，方俊首次在台上載歌載舞，驚喜連場。Encore 時方俊一口氣唱了3首羅文經金曲《長城謠》、《好歌獻給你》、《願望就是明天》，為個唱劃上完美記號。

方俊日前與香港盲人輔導會轄下The Cheers樂隊到band房綵排。

「靚聲王」張偉文愛徒方俊將於下周一（4月15日）在北角新光戲院舉行《燃亮愛演唱會》，處男演唱除了滿足fans需求外，更希望用歌聲為視障人士燃點希望；用行動燃亮對視障人士關愛，故優先送出門票給視障人士及其家屬前來一齊happy。當晚方俊給予視障人士發揮才華平台，將與香港盲人輔導會轄下The Cheers樂隊合唱《We Can Overcome》。

香港盲人輔導會轄下The Cheers興奮可以與方俊在band房綵排。

方俊與香港盲人輔導會轄下The Cheers 樂隊鼓手貴福特別老友。

日前方俊跟視障嘉賓到band房綵排，雖然視障嘉賓睇唔到，但每聽到方俊嘅聲音及親切握手及搭膞頭舉動就歡喜若狂， 呼喚他做方Sir，大讚方Sir有男神聲線，唱得好好聽，好期待當晚演出及做觀眾。傷健鼓手仲興奮得對住方俊說：「方Sir，你覺得我打成點呀？」方俊則送上鼓勵，𠱁得對方開心笑不停，自信心返晒嚟。方Sir也跟他們互動，叮囑合唱佢哋嘅「飲歌」時，記住睇返住他呀！對於能成就一班視障人士發揮才藝，方俊覺得好有意義：「佢哋好似識到一位志同道合嘅新朋友咁好興奮，我答應喺演唱會後，買蛋撻去協會探訪，大家傾吓偈，唱吓歌，佢哋好需要關愛。」

方Sir與The Cheers認真綵排。

方Sir與The Cheers認真綵排。

完成綵排後方Sir逐一與The Cheers成員互相慰。

方俊一直為新加坡歌后麗莎做義務經理人，大家感情要好，今次方俊個唱，麗莎亦會以神秘嘉賓身份助陣，而麗莎在港開騷，方俊亦做表演嘉賓，兩人互相幫助。另外，目前方俊為演唱會綵排得如火如荼，表演嘉賓方麗盈及王美蘭日前排練後，「屈」方俊請食大餐，麗盈笑說：「要魚翅撈飯，鮑魚洗面！」美蘭就唔蝕底要求食花膠！難得請到兩位「姐姐」幫手，方俊賣口乖說：「得得得！請食花膠冇問題，至為鮑魚就揀啲大到可以抹車嘅。」

麗莎演唱會方俊擔任神秘嘉賓。

方俊與方麗盈密鑼緊鼓綵排。

2位「姐姐」方麗盈及王美蘭綵排後「老屈」方俊。