娛圈事
森美同小儀合作廿幾年，鬧完交又冇嘢。
森美昨日（23日）在銅鑼灣出席活動指疫情緩和，工作開始重回正軌，雖然工作比之前多，但並非多賺錢，心情仍患得患失，之前留家抗疫多了親子時間，不過這段時間沒有見父母，只可以通電話問候。他透露被老婆投訴有「抗疫肥」，所以要積極收身，笑言目前老婆仍未肯「掂」他，可能未收貨。會否以呂爵安身材為目標？他說：「佢哋個個咁Fit，我唔敢同佢哋比，叫佢哋比演唱會飛我仲好啦！」
森美指被老婆投訴有「抗疫肥」。
森美指疫情緩和，工作量增加，但非多賺錢。
另外，阮小儀在ViuTV節目《有酒今晚吹》自爆受過森美唔少氣，揚言：「好多嘢都會令佢發好大火。」所以二人經常有拗撬。對此森美回應：「我想問強尼幾時請我飲嘢呢？我唔使飲醉先講嘅，同小儀合作咗廿幾年，當年我哋捱咗十幾年，終於調去做黃金時段，佢有一日突然話想調做朝早節目，因為返夜晚搞到佢冇得拍拖，由嗰刻開始，我開始明白佢嘅意思，開始冇逼得佢太多。」
小儀早前上《有酒今晚吹》節目，自爆與森美有好多拗撬。
二人合作廿幾年，鬧完交又冇嘢。
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
