好sweet啊~
《日日媽媽聲2》昨晚(23日)播出的第4集,請來周汶錡(Kathy)、麥秋成及鄭衍峰擔任嘉賓。與法籍老公育有兩子的Kathy分享中外育兒大法,自認傳統的Kathy原來是緊張大師,自爆曾在仔仔學行路時為他戴上頭盔,令老公也看不過眼,Kathy說:「老公即時拎走個頭盔唔畀再戴,佢話如果你唔畀佢撞吓,(佢)就唔知咩係痛,之後我就叮一聲醒咗!」
觀看相關影片按連結:https://youtu.be/U77JglF6L0o
Kathy透露兩子性格大不同,大仔像她一樣比較保守,細仔則遺傳了老公法國人的浪漫基因,她說:「細仔好熱情,係人都錫,每晚要錫一啖嘴仔先瞓覺,真係好sweet,我有時會驚佢大個咁樣識女朋友唔得架喎!」
另一嘉賓鄭衍峰,則與身在加拿大的媽媽隔空對話。入行差不多6年的衍峰,透露入行初期並不如意,因而積壓不少壓力,並於加拿大探望父母期間情緒大爆發,他說:「嗰次因為工作問題同爹哋媽咪有啲拗撬,之後我發好大脾氣同掟嘢,仲崩潰到喊咗出嚟。」鄭媽媽傾聽兒子訴說往事時,忍不住眼泛淚光,衍峰亦趁機就相關事件向家人道歉,場面感人。
衍峰又提及鄭媽媽於2020年曾接受頭部手術,當時衍峰已即時請假回加拿大陪媽咪,但衍峰依然自責自己做得不夠好,他說:「我見到媽咪醒番冇事先返香港,但照顧唔到佢成個康復期,作為獨子我覺得自己可以做更多嘢,嗰刻應該要陪媽咪多啲。」
觀看相關影片按連結:https://youtu.be/BO-9w2DC6oI
至於新手爸爸麥秋成,則按製作組安排體驗「陣痛」酷刑,痛到七情上面的秋成,竟不忘以愛的宣言向太太暗示想追多個小朋友,秋成說:「老婆你生第二胎時,我覺得要陪你多啲,因為真係好辛苦!」