2歲麥QQ開始返N班冇扭計上堂又專心 湯怡嘆：感動又感觸

湯怡與麥秋成的囡囡轉眼間已經兩歲大，要開始返學，兩公婆為愛女報讀名牌幼兒園，湯怡在IG貼出囡囡的校服萌照，表示：「感動又感觸」。

麥QQ要返學啦！

現年35歲湯怡與43歲麥秋成於2021年初宣閃婚，同年6月誕下囡囡「麥QQ」麥紫喬，兩公婆為囡囡開設社交平台，並不時分享小朋友的得意相。日前湯怡在IG貼出麥QQ的校服相，可貼她紮着兩條辮仔，同媽媽一齊對着鏡頭嘟嘴，相當可愛！而且麥QQ似乎沒有因為要離開父母而扭計，還好適應返學，會自己放書包到櫃桶，上堂又好認真，非常叻女！

識得自己放書包，叻女！

上堂都好專心。

湯怡對囡囡終於要返學感動又感觸，她表示：「唔經唔覺紫喬返學了，好記得我細細個嘅時候，成日痴（黐）住袁媽媽，屋企範圍外，只要媽咪唔喺我視線之內，就會喊到拆天（因為我覺得媽咪唔要我），最經典係升小學一年班喊足一個月，細個極度缺乏安全感（又或者係分離恐懼症）嘅我，而家會明白鼓勵紫喬行出第一步嘅重要性。細膽，我地（哋）就比個膽你，我地（哋）一齊學習，學嫲嫲話齋，呢條路由你自己行喇 #跟你一樣笑得燦爛 #辛苦媽媽了」。

麥QQ嘅校服Look好可愛！

放學就當然要食零食啦！

湯怡和麥秋成對囡囡悉心栽培，從麥QQ的校服可見，她入讀的是國際英文幼稚園暨幼兒園（St. Catherine's International Kindergarten），學前班（N班）全年學費逾8萬元，不少圈中人選擇安排仔女入讀此校，包括陳慧琳的兩個囝囝、胡杏兒的大仔、王浩信與陳自瑤的女兒、林文龍與郭可盈的女兒、羅力威與雨僑的女兒等。

胡杏兒的大仔Brendan剛剛畢業。

藝人湯怡早前生日，獲老公麥秋成精心策劃驚喜，秘密安排她飛往上海慶祝。湯怡事後在社交平台分享經過，笑指自己被「騙」到當地，原本被告知需進行拍攝工作，卻在晚餐時段迎來老公現身，令她哭笑不得。

湯怡IG圖片

然而，網民焦點卻落在湯怡其中一張身穿橙色貼身晚裝的照片上。相中她腹部微微隆起，孕味濃厚，隨即引發懷孕猜測。湯怡在發文中提及「人生總有驚喜」，並坦言事件發展至如此地步，唯有感謝老公的心意，言談間似有暗示，進一步加深外界聯想。

湯怡IG圖片

湯怡IG圖片

湯怡IG圖片