女團成軍Marf為芯駖入選感動流涕 Day《我哋係COLLAR》自爆曾為追夢日打兩份工

ViuTV全新節目《我哋係COLLAR》將於今晚首播，COLLAR在今年1月成軍，人氣熱爆，成為娛樂熱話及廣告界寵兒；節目不但紀錄COLLAR成軍過程，包含大量絕密片段曝光外，更會展露各成員鮮為人知一面，亦會從形象包裝、社交媒體、歌曲風格、Fans應援等多角度剖析COLLAR獨特之處。

Day在節目中展示感性一面。

談到追夢過程時，Day感觸落淚。

COLLAR在今年1月成軍，人氣持續上升。

今晚（30日）播出的第1集紀錄COLLAR由《全民造星IV》總決賽，到1月12日的成軍記者會。在12月25日的《造星IV》總決賽中Marf、Gao和Day分別獲得冠亞季軍，Day在賽後採訪中激動落淚，透露自己家庭經濟狀況不好，媽媽工作辛苦，所以為了追夢，Day曾一日打兩份工；早上一份工，下午學跳舞，晚上再打一份工。Day表示當時生活難熬，所以16歲時曾為自己設下3年期限，如果3年後仍未能出道便放棄夢想，Day沒有想到自己終能出道成為COLLAR一份子，感恩Fans支持。

講到COLLAR成軍過程，點少得經理人阿Wing。

8位成員齊集。

芯駖坦言原本覺得自己冇機會入COLLAR。

另外，節目中又播出《造星IV》總決賽後，經理人Wing與各高層經歷6個鐘頭的會議，選出女團人選，當時Marf是最後一位回到公司，成員們紛紛用外套蓋住臉，讓Marf猜猜有哪位成員與她一同出道。Marf猜對幾位成員，沒料到最後一位是芯駖，她得知後感動流淚。芯駖坦言原本都以為自己沒有機會，但Wing認為COLLAR是一個新世代女團，需要有新嘗試，而Wing她欣賞芯駖的才華及人氣，所以決定加芯駖入COLLAR。

Marf得知芯駖入團，十分開心。

Winka自爆錄影「Chill Club」前緊張到失眠。

樂隊Nowhere Boys（NWB）最近與人氣女團COLLAR成員陳泳伽（Winka）推出合唱歌《異人之野望》，MV中打機過關的動漫情節深受樂迷喜愛，大讚有型兼熱血。他們日前為ViuTV音樂節目「Chill Club」錄影，首次以Live Band形式表演新歌。雖然琴鍵兼小提琴手漁佬因外遊未有現身，不過依然無阻四子與Winka Rock爆錄影廠。Winka自爆緊張到失眠，感激NWB的「軍醫」結他手Ken於MV拍攝當晚出手相救。

樂隊Nowhere Boys與COLLAR成員Winka以Live Band形式表演新歌《異人之野望》。

NWB與Winka「黑Rock」型爆Look現身錄影廠，一埋位綵排火速進入狀態，喚醒心中的搖滾魂，順利完成拍攝後更互相擊掌大叫好玩。首次以Live Band形式合唱《異人之野望》，Winka錄影前一晚緊張到失眠。她說：「因為我太耐無夾Band，同埋好耐無唱過Band嘅歌。​​噚晚有少少緊張，但去到現場戴晒耳機感受到你哋嘅氣場。頭先綵排咗兩次，我就開始進入狀態，呢首歌唱完有叉返電嘅感覺。」主音Van提議要多些現場演繹新歌，Winka同意並提議說：「不如以後你哋出任何騷都帶埋我去。」NWB一眾成員立即豎起手指公表示贊成，Van表示歡迎，「嘩，咁我哋就會有更多觀眾睇啦！」

NWB與Winka「黑Rock」型爆Look現身錄影廠。

回想《異人之野望》創作過程，Van表示歌曲在Demo時名字是《Coins》，講一個關於「推銀機」遊戲的故事。他說：「當不停入錢，通常都係會輸。但一中Jackpot時，啲金幣不停冧落嚟，就係想寫嗰一吓快感，所以漁佬彈琴方法都係好似有嘢冧落嚟嘅感覺。呢首歌想講每個人都有機會爆發，成為一個英雄。」他們將新歌故事告訴填詞人Oscar，繼而寫出一首充滿日本動漫感覺的歌曲，MV導演亦拍了有關忍者的故事。

Van

首次與NWB合作，Winka已經與各人打成一片，她形容Van就如「大佬」一樣照顧所有人，更感激「軍醫」Ken於MV拍攝當晚出手相救。Van解釋說：「平時邊個Bandmate冧咗，都會有軍醫，佢就係阿Ken，因為佢有祖傳穴位按摩。」他隨後分享拍MV的趣事，更大讚Winka非常專業。Van說：「Winka拍MV前一晚只係瞓咗一個鐘就要嚟拍打戲，大家睇MV就知佢同Nate打得幾狠。打咗成日，拍埋Band Shot已經拍咗14、15個鐘，見佢面青口唇白，就問佢介唔介意俾阿Ken按摩。」

爽快回應說：「唔介意！按完之後醒咗，啲血即刻通咗，衝咗上個腦度。」

Winka感激「軍醫」Ken於MV拍攝當晚出手相救。

今次的合作開心又順利，將來會再有音樂上的合作嗎？他們異口同聲表示「好想」。Van提議將Winka的個人單曲改成搖滾版，而Winka則表示已經有諗法，更叫樂迷敬請期待，還一臉滿足表示《異人之野望》完整了心中的版圖，「之前未有歌表達我嘅熱血同中二病，呢首歌完整咗呢個位置。」Van笑說：「最鍾意同中二病人合作，你睇下我哋之前合作過嘅人。」Winka興奮說：「成日幻想自己係女殺手，睇完啲特務戲，我又會幻想自己係。（Van：咁你要拍多啲戲。）不如搵我做多啲女殺手，我好願意。」

Winka與NWB都異口同聲表示「好想」再合作。