Winka@COLLAR推年度壓軸單飛歌《說好的未來》 Candy助陣MV

Winka新歌勉勵大眾走出低潮。

女團COLLAR成員Winka陳泳伽，日前推出本年度壓軸歌曲《說好的未來》，新歌MV除找來隊友Candy王家晴與藝人張芷澄（Christie）演出外，更與MIRROR成員Jer柳應廷早前推出的新歌《大海少年》作前後呼應，Winka與Jer分別在自己的單曲中飾演「天使」，透過一艘小船的出現連繫兩個故事，帶出正面訊息，勉勵大眾走出低潮，具異曲同工之效。

Winka推出本年度壓軸歌曲《說好的未來》。

新歌與Jer柳應廷早前推出的新歌《大海少年》作前後呼應。

《說好的未來》MV，講述一對閨密互相扶持，每當其中一人遇上困難打算放棄自己之際，另一位閨密便會出來拯救對方，最終兩個閨密其實是同一個人，帶出所有困難都係靠自己克服的訊息，Winka透露MV以溫情牌感動大家：「喺低谷及遇挫折想做儍事時，好多時會忘記咗同身邊人嘅約定及承諾，而我遇上挫拆時，會諗身邊有好多人想同我一齊行落去，令自己唔會去做啲極端嘅事，粉絲同COLLAR就係畀到自己好多動力去做好每一件事。」

《說好的未來》

跟Jer新歌前後呼應
提到今次MV跟Jer新歌大玩前後呼應，Winka透露是機緣巧合，並非一早安排：「呢首歌好特別，咁啱我哋大家同一時間對世界有啲諗法，想帶同一個訊息畀呢個世界，又咁啱我哋用同一個MV導演Rony Kong，於是導演提議我哋做個前後呼應，係機緣巧合。」

至於在《說好的未來》中飾演閨密的COLLAR成員Candy與張芷澄，二人首次合作拍MV，默契十足，當中Candy很高興跟Christie合作，她大讚對方窩心：「Christie係一個好有能量同埋好sweet 嘅女仔，拍攝MV嗰晚上山拍嘢，我著背心裙，一cut 機，佢攬住我話驚我凍親！」Candy續說，在MV拍攝期間，不時被Christie的演繹感動到喊，她說：「有一場望住Christie 同男朋友鬧交嘅戲，我第一個take都睇到喊，好似真係望到自己或者best friend 被傷害咁。」

COLLAR成員Candy助陣MV。

Candy表示很榮幸參與今次Winka的新歌MV。

Candy恨演舞台劇
此外，Candy表示很榮幸參與今次Winka的新歌MV，當初她聽到《說好的未來》的歌曲及導演send 給她的story board時 ，她已覺得很感動，未知她演繹今次角色可有壓力？她謂：「與其話壓力，我覺得係有種使命感，好希望可以出一分力去畀到力量正面對緊情緒困擾嘅人，學識好好去擁抱自己、同自己溝通，同時亦都要感受身邊人對你嘅愛同關心。」

問到Candy可有渴望單飛出歌？Candy指希望有日能力上可單飛出歌，但比單飛出歌更渴望的，是她希望演舞台劇，她說：「如果講我暫時最想試，可能係舞台劇，因為我覺得舞台劇同camera filming 好唔同，唔會有咁多個take、咁多個角度去capture，演繹上同埋身體運用都應該係兩回事，所以都會想試下。」

Candy與張芷澄在MV中飾演閨密。

Candy希望有機會演舞台劇。

Winka自爆錄影「Chill Club」前緊張到失眠。

樂隊Nowhere Boys（NWB）最近與人氣女團COLLAR成員陳泳伽（Winka）推出合唱歌《異人之野望》，MV中打機過關的動漫情節深受樂迷喜愛，大讚有型兼熱血。他們日前為ViuTV音樂節目「Chill Club」錄影，首次以Live Band形式表演新歌。雖然琴鍵兼小提琴手漁佬因外遊未有現身，不過依然無阻四子與Winka Rock爆錄影廠。Winka自爆緊張到失眠，感激NWB的「軍醫」結他手Ken於MV拍攝當晚出手相救。

樂隊Nowhere Boys與COLLAR成員Winka以Live Band形式表演新歌《異人之野望》。

NWB與Winka「黑Rock」型爆Look現身錄影廠，一埋位綵排火速進入狀態，喚醒心中的搖滾魂，順利完成拍攝後更互相擊掌大叫好玩。首次以Live Band形式合唱《異人之野望》，Winka錄影前一晚緊張到失眠。她說：「因為我太耐無夾Band，同埋好耐無唱過Band嘅歌。​​噚晚有少少緊張，但去到現場戴晒耳機感受到你哋嘅氣場。頭先綵排咗兩次，我就開始進入狀態，呢首歌唱完有叉返電嘅感覺。」主音Van提議要多些現場演繹新歌，Winka同意並提議說：「不如以後你哋出任何騷都帶埋我去。」NWB一眾成員立即豎起手指公表示贊成，Van表示歡迎，「嘩，咁我哋就會有更多觀眾睇啦！」

NWB與Winka「黑Rock」型爆Look現身錄影廠。

回想《異人之野望》創作過程，Van表示歌曲在Demo時名字是《Coins》，講一個關於「推銀機」遊戲的故事。他說：「當不停入錢，通常都係會輸。但一中Jackpot時，啲金幣不停冧落嚟，就係想寫嗰一吓快感，所以漁佬彈琴方法都係好似有嘢冧落嚟嘅感覺。呢首歌想講每個人都有機會爆發，成為一個英雄。」他們將新歌故事告訴填詞人Oscar，繼而寫出一首充滿日本動漫感覺的歌曲，MV導演亦拍了有關忍者的故事。

Van

首次與NWB合作，Winka已經與各人打成一片，她形容Van就如「大佬」一樣照顧所有人，更感激「軍醫」Ken於MV拍攝當晚出手相救。Van解釋說：「平時邊個Bandmate冧咗，都會有軍醫，佢就係阿Ken，因為佢有祖傳穴位按摩。」他隨後分享拍MV的趣事，更大讚Winka非常專業。Van說：「Winka拍MV前一晚只係瞓咗一個鐘就要嚟拍打戲，大家睇MV就知佢同Nate打得幾狠。打咗成日，拍埋Band Shot已經拍咗14、15個鐘，見佢面青口唇白，就問佢介唔介意俾阿Ken按摩。」

爽快回應說：「唔介意！按完之後醒咗，啲血即刻通咗，衝咗上個腦度。」

Winka感激「軍醫」Ken於MV拍攝當晚出手相救。

今次的合作開心又順利，將來會再有音樂上的合作嗎？他們異口同聲表示「好想」。Van提議將Winka的個人單曲改成搖滾版，而Winka則表示已經有諗法，更叫樂迷敬請期待，還一臉滿足表示《異人之野望》完整了心中的版圖，「之前未有歌表達我嘅熱血同中二病，呢首歌完整咗呢個位置。」Van笑說：「最鍾意同中二病人合作，你睇下我哋之前合作過嘅人。」Winka興奮說：「成日幻想自己係女殺手，睇完啲特務戲，我又會幻想自己係。（Van：咁你要拍多啲戲。）不如搵我做多啲女殺手，我好願意。」

Winka與NWB都異口同聲表示「好想」再合作。