欣宜被許廷鏗特別禮物搞喊 曾想過兩人間有無愛情存在

鄭欣宜昨晚（12日）的尾場個唱邀請了形容為「異父異母低能巨孖寶」的另一半許廷鏗，擔任表演嘉賓。出場前，欣宜介紹這位表演嘉賓是識於微時兩少無猜，經常會頭貼頭手牽手，還常被傳是一對，令自己也想過究竟彼此是友情還是愛情。當許廷鏗現身並與欣宜合唱後，二人搞笑的深情對望並輕撫對方的臉，但順著劇情發展差點「嘴落去」之際，兩個同時間彈開說：「真係唔得呀！」二人轉為拖手演唱，唱畢再度對視時更齊齊紅著淚眼。

自彈自唱贏得一片掌聲。

原本兩人都好深情……

幾乎咀嘴之際就互相推開大家狂笑。

互攬為對方打氣。

許廷鏗指看著欣宜經過高高低低，但不管誰高誰低，彼此也在對方身邊，令旁邊的欣宜更爆喊起來。當欣宜接過許廷鏗送贈的特別版黑膠唱片時，原來還內藏了一張親手繪畫的一張二人的畫，並指是參照二人於2015年底的合照，當時大家仍「傻更更」的未踏足過紅館，但約定有朝一日誰上紅館，對方亦要在場，語畢即與欣宜緊緊相擁哭作一團；良久後許廷鏗笑謂：「呢個攬有啲耐。」當欣宜返入後台補妝，許廷鏗獨唱前，再爆料指綵排時欣宜已突然攬著他喊，希望大家用歡呼聲和掌聲告訴欣宜是一位值得愛的香港歌手。

Alfred向欣宜送上特別版黑膠唱片。

兩個都哭成淚人。

Alfred抹眼淚，真係喊得好勁。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。