許廷鏗減20磅重返舞台 三場演唱會跳唱成焦點

許廷鏗笑言向跳唱歌手出發！

許廷鏗（Alfred）一連三場戶外演唱會「SANTA JAMBOREE音楽生活祭リ」昨晚(12月26日) 順利完成，現場氣氛熱烈，一開始就有COLLAR成員Marf、芯駖出場，與Alfred合唱《青春頌》，又一齊跳唱，觀眾睇到high爆。

許廷鏗一連三場的「SANTA JAMBOREE音楽生活祭リ」於昨晚（26日）圓滿結束，戶外聚集了不少途人駐足欣賞。

Marf特別揀穿印有「F」字的上衣，話代表Alfred嘅fred字。Alfred話今日是要接受一個挑戰，因為一個老人家要做後生女嘅嘢，要同佢哋玩一首歌，一齊跳唱《OFF/ON》，唱完之後Alfred話而家啲歌原來係咁難唱。

尾場一開始有COLLAR的Marf及芯駖一齊合唱《青春頌》。

Alfred自嘲是老人家要做一些後生女的事，並與兩人跳唱《OFF/ON》。

芯駖就話呢晚真係好似畢業禮爸爸帶個女出來，不過Marf則指Alfred不可以做爸爸，越來越瘦似哥哥多啲，搞到Alfred反問Marf :「你係話我返老還童 ? 做咩話我唔可以做爸爸！」

Alfred跳唱成焦點。

全場High爆！

Alfred表示有意開Part2，但不會再選戶外開騷，又透露為這個騷減了20磅。

《全⺠造星IV》楊安妮（WinWin）任跳唱嘉賓。

許廷鏗演唱會跳舞環節，由Win Win及其男友KC為他排舞。

除有Marf、芯駖做尾場嘉賓，壓軸嘉賓有鄧小巧與Alfred合唱《微時》，Alfred更唱到哽咽爆喊，被小巧取笑「大喊十」：「我之所以喊係因為有次同你去Joyce( 鄭欣宜) 屋企，話如果有無限製作費及投資者支持做騷，你哋不約而同好興奮話做幾多場都得！可能我太理性，心諗如果要做好多場演唱會，把聲未必可以負荷到，但今次係我人生首次連續嘅三場演唱會，反而覺得唔夠喉。」

Alfred再換上另一套衣服，並請出好友陳慧敏。

其後Alfred拿起電結他自彈自唱，再次炒熱氣氛。

全場站起，跟住他一齊唱。

連續三場演唱會Alfred跳唱成焦點，笑言向跳唱歌手出發：「我行緊過去啦，其實從未試過做咁耐運動，今次演唱會瘦咗20磅，跳舞真係好有幫助，可能遲啲會同Joyce一齊跳舞減肥，我發現跳勁舞可以俾自己好大力量，我個Chok樣觀眾亦應該好受落，見到大家企晒起身，好多尖叫聲。」

當Alfred唱到《微時》，鄧小巧上台跟他合唱，他一度哽咽不能唱下去。

鄧小巧在唱畢之後大叫他做「大喊十」。

Alfred唱到哽咽爆喊！

Alfred話鄭欣宜（Joyce）有送花籃支持，亦有傳短訊搞喊自己：「我好想同Joyce下個挑戰書，希望2024年同佢一齊玩跳唱 ! 」

落力演出。

自覺三場不夠喉！

Alfred笑言要跟鄭欣宜下戰書，希望下年跟她一齊玩跳唱。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。