N9新作《牙痛文學》論盡無人共鳴的都市情歌 許廷鏗現身MV做牙醫

N9第三首派台歌《牙痛文學》現已於各大音樂平台正式上架，敬請留意！

試當真音樂廠牌Demo Records旗下、由游學修（NEO）、潘宗孝（ERN9）組成的男子偶像團體N9全新作品《牙痛文學》現已正式派台！N9甫出道已經立下宣言，誓要於樂壇頒獎禮爭奪獎項，他們深信必定能成功圈粉，憑實力和魅力衝擊樂壇！

N9推出全新作品《牙痛文學》。

N9的宣言絕非空話，出道短短三個月，他們已先後推出大玩韓風造型的《超級勁爆叱咤風雲金曲》及日文歌《二泊三日》，兩首歌至今合共已有逾75萬點擊，以樂壇新團來說，成續已經相當不俗！這次N9再為樂迷送上洗腦式情歌《牙痛文學》，由副隊長游學修擔大旗，以最真摯的聲線，唱盡你我他都發生過卻無人共鳴的愛情「痛點」，隊長ERN9和聲協力。

觀看相關影片按連結：https://youtu.be/jHEpWJjmOLw?si=CI7lPr34DDx5w9CU

觀看相關影片按連結：https://youtu.be/LEY9_E-UhcE?si=LCX2zi9oVI3oGEKG

新歌《牙痛文學》借愛情比喻牙痛，「牙痛文學」一詞原意泛指刻意造文細數個人生活瑣事，只有作者本人很有感受，卻難以讓讀者感動或為社會作出影響的文學作品，就像無人明白的愛情悲歌，對外人來說完全無關痛癢，當局者卻痛入心靡。N9的新作表面上是情歌一首，背後似在諷刺樂壇充斥着太多「無人明」的情歌，對此副隊長NEO說：「每個人都有自己嘅解讀，我相信樂迷會有自己嘅諗法，我自己就唱得好有感覺。」

NEO

曾經直言唱歌好重要的NEO，透露加入娛樂圈多年，其實都只是為做歌手作準備。這次《牙痛文學》由他主唱，對NEO的意義相當重大：「我準備咗咁耐，都係時候要畀大家聽到我嘅歌聲，我知自己向來唔係行開呢個路線，所以今次特別畀個驚喜大家，我選擇咗好認真、好深情咁演繹呢首歌。」ERN9亦大讚他的表現，認為N9的曲風就是如此多樣性：「要紅、要攞獎就唔應該局限自己，我哋係好認真做男團嘅，而情歌係男團好重要嘅元素。」

ERN9

音樂質素是N9非常重視的一環，這次《牙痛文學》的創作班底，依然有N9兩位隊長親自參與，編曲亦繼續找來《二泊三日》的團隊，由來自樂隊The Hertz的Herman及Jan Curious（阿水）負責，阿水同時為《牙痛文學》擔任監製，更有鍾雪共同為新歌填詞。

MV由許廷鏗及Shadow擔任男女主角。

MV方面，繼邀得人氣女優繪麗奈於《二泊三日》飾演社長夫人之後，這次《牙痛文學》的MV找來於樂壇相當有代表性的許廷鏗飾演牙醫。雖然牙醫是許廷鏗的本業，但這次是他首次於鏡頭前飾演牙醫，穿上醫生白袍的他輕鬆駕馭，對於有樂壇前輩答應為MV登場，N9表示衷心感激。除了許廷鏗，女主角找來早前為呂爵安歌曲《E先生愛人執照》拍攝的Shadow擔任。

許廷鏗做回本業牙醫。

Shadow早前曾擔任呂爵安歌曲《E先生愛人執照》MV的女主角。

第三首派台歌《牙痛文學》深情上架，N9對新曲寄予厚望，他們說：「今次呢個曲風咁傷感又咁浪漫，MV仲有許廷鏗老師為我哋傾力演出，我哋都好感動，希望令每位9仔粉（N9 Fan專屬稱呼）滿意。」N9計劃今年將有五首派台歌，他們表示其餘兩首亦已於籌備當中。

ERN9、Shadow、許廷鏗、NEO

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。