鄭欣宜神隱多時現身許廷鏗mv 見久違的燦爛笑容

神隱多時的鄭欣宜於許廷鏗新歌MV「復出」，網民稱大為感動。

許廷鏗（Alfred）與鄭欣宜（Joyce）份屬好友，許廷鏗一個月出席活動前都表示Joyce有好多復出大計，原來她選了許廷鏗的新歌《一場同學》mv為復出作。許廷鏗於IG開直播時表示，「呢個係我哋一齊諗嘅一件事，其實係Joyce本身諗緊喺咩場合再出現娛樂圈會好啲，本身佢問緊我一啲意見，但傾吓傾吓就諗既然係咁就唔好喺其他場合，就喺你嘅MV或Project度出現啦，嗰吓聽到我係有啲Touch，因為我覺得佢呢件事好重大，佢好信任我囉，將一件咁緊要嘅事交托畀我，同我一齊攜手做Comeback。」

Joyce今年3月開完紅館演唱會後，突然絕跡幕前以至社交平台及公眾場合至今

早前許廷鏗在IG貼出新歌宣傳照時，已有人認得這個女子的背影是Joyce

許廷鏗與鄭欣宜是圈中好友

上月底，許廷鏗在IG貼出新歌宣傳照時，有眼利的網民已認得相中女子的背影是欣宜。到乞日（11月6日）晚上新歌於YouTube首播時，欣宜的正面在影片0:39登場，她與許廷鏗飾演雙方的舊同學，而且是還是日見夜見的好朋友。欣宜除了有教堂戲份外，更在海旁、大屋、車內拍攝，而且每一幕都交足戲。除了年輕時的開懷笑容，更有重逢時的複雜情緒，可謂非常到位。

Joyce於教堂首次出場

二人於mv飾演雙方的舊同學

鄭欣宜的狀態非常好

很久沒有欣宜開懷大笑

用心演出

不少網民看到Joyce重現幕前都表示好感動，紛紛留言「好掛住Joyce ！ 好開心見到你們一起拍這MV! 如此有義意的歌加上你合作拍此MV更添義意！ 太感動了！」「我覺得Joyce系（係）一定要系（係）依個MV既女主角，你同Joyce真系（係）可以令到「一場同學」所表達既意思推到再高」「見番joyce出現真好，期待你們合體再出現喔！」「原來我會掛住Joyce」。

許廷鏗又透露，拍攝MV期間鄭欣宜的狀態非常好，亦幫助他演活角色。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。