許廷鏗戶外騷與粉絲迎聖誕現「蝦碌」 Sell碟sell到過晒鐘

歌迷齊齊倒數迎接聖誕許廷鏗平安夜與戶外演唱會「SANTA JAMBOREE音楽生活祭リ」，原本想與歌迷倒數迎接聖誕，但最後卻出現「蝦碌」！

許廷鏗（Alfred）成立個人公司後首個戶外演唱會「SANTA JAMBOREE音楽生活祭リ」於12月24日至26日假西九竹翠公園舉行。而適逢頭場演出是平安夜，特別將開場時間延至晚上9時30分，為要跟歌迷齊齊倒數迎接聖誕，但最後卻出現「蝦碌」，因為Alfred太興奮地介紹自己的CD Boxset，踏入零晨亦不知道，直至有聽觀眾大叫才知道過鐘，「 已經到到咗喇？Merry Christmas！我每年倒數都會出現呢d狀況，好搞笑。」

開騷前拜神！

Good Show!

與歌迷齊齊迎接聖誕。

Alfred為配合聖誕氣氛，演唱會唱第一首歌《青春頌》刻意穿上胸前打個大蝴蝶結的粉紅上衣，就像聖誕禮物送給觀眾。而今次演唱會Alfred有幾首歌都是跳唱演出，觀眾讚Alfred跳勁舞大有進步。

Alfred為配合聖誕氣氛，穿上胸前打個大蝴蝶結的粉紅上衣演唱第一首歌《青春頌》。

雖然天氣寒冷，但現場氣氛就暖笠笠，觀眾整晚都好熱情，不斷揮動手上星星燈，半場過後全場觀眾企起身跟Alfred一起又唱又跳，當Alfred行至台邊，觀眾更遞上手機給他要求合照，Alfred亦很貼心不斷接過手機跟觀眾自拍。

又唱又跳！

自彈自唱。

Alfred行至台邊接過手機跟觀眾自拍。

至於嘉賓方面，頭場有剛於早前做完手術的楊安妮（WinWin）與Alfred合唱《假面具》，WinWin與Alfred一起跳唱，Alfred話好多謝WinWin服刑（休養）期間仍然堅持做嘉賓，WinWin亦好感動，話能夠再一次喺Alfred演唱會演出要多謝佢！陳慧敏則專誠由澳門來港為Alfred演唱會擔任嘉賓，合唱《最後一對北極熊 》，現場飄下雪花，白濛濛一片，觀眾十分雀躍，為寒冷平安夜增添節日氣氛。

與WinWin合唱《假面具》。

WinWin雖然早前剛做完手術，正在休養，但依然活力十足！

陳慧敏專誠由澳門來港為Alfred演唱會擔任嘉賓。

而吳林峰就以神秘嘉賓身份壓軸出場與Alfred合唱《童年》，吳林峰搞笑話好緊張，因為事前要保密，Alfred話佢同吳林峰有個協定，承諾以後每一隻碟都有吳林峰嘅作品。吳林峰話 :「好多謝許廷鏗每次喺舞台上都同我分享，第一次俾人聽到我嘅歌聲，或俾人認識我係一個歌手，就係因為有許廷鏗，所以我亦對佢承諾，之後佢有需要我亦一定會幫佢寫歌。」

吳林峰以神秘嘉賓身份壓軸出場。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。