2019年11月上水堵路發生政見衝突，雙方鬥毆期間七旬清潔工遭磚頭擲斃，六旬男子遇襲後左眼虹膜撕裂。兩青年原被控謀殺等罪，高等法院法官杜麗冰昨指，本案證據不足以確立謀殺罪的控罪元素，批准以誤殺罪替代。案件今日續審，18歲少年的母親以辯方證人作供稱，兒子錄口供期間焦慮症發作，但警方稱「食藥要申請」，又不准她說話。她形容，自己在錄口供過程中腦袋一片空白，「我只係睇到我個仔係度震。」
七旬清潔工遭磚頭擲斃。 資料圖片
新修訂控罪指，劉子龍（19歲，花名「牛屎」）及陳彥廷（18歲）被控於2019年11月14日在香港，連同其他身分不詳的人，非法殺死羅長清。二人另被控於2019年11月13日在上水龍運街北區大會堂外，連同其他身分不詳的人，意圖使男子X受嚴重傷害而非法及惡意傷害，以及參與暴動。
辯方傳召次被告的單親媽媽趙珮因作供，她透露幼子陳彥廷自13歲起患焦慮症，案發時已在大埔那打素醫院看診約3至4年，而且經常病發，需服藥控制。2019年12月13日下午，她收到一名警長來電，指幼子因涉及一宗傷人案，需到警署接受調查，故她立刻趕回家。回到家時，該名警長已在場，並稱「好小事㗎咋，唔洗擔心，翻去問啲嘢姐」，但她察覺到坐在沙發的幼子眼神驚慌。
資料圖片
趙哽咽憶述，到達警署後，警方要求她陪同幼子進行錄影會面，惟期間「唔可以講嘢」，直至休息時間才可說話。在會面過程中，她見到幼子手腳開始抖動，眼神無法聚焦，相信是焦慮症發作。她見狀，欲叫幼子服藥，但想起「入去之前，警察先生有叫我唔好講嘢。」及至錄影小休，幼子表示「未食藥，嗰頭好痛」，她請求警員批准他服藥，但對方稱「錄影期間唔可以食藥，食藥要作出申請。」
趙在盤問下指，當日警長僅稱返警署協助調查「好小事」，「我係好相信警察㗎嘛，佢係咁同我講㗎嘛。」控方代表大律師周凱靈指，當趙得知幼子捲入謀殺案，理應感到震驚。趙回應，「個腦係實嘅，驚個仔唔知會發生咩事」，又激動謂「我個仔都無做過！」警方當時提及幼子涉傷人，但在案發地點同一範圍內，需以最嚴重的謀殺罪為首，其後才到傷人及暴動罪，「條法例係咁寫，警察唔會呃人㗎嘛，你而家問翻我，我一知道同你講，我都唔明。」
資料圖片
控方提到，錄影期間，警方不許病發的幼子服藥，做法是否不妥？趙稱「我淨係希望個仔快啲錄完可以食藥正常翻。」問及庭上作供時過語氣激動，她解釋「任何一個媽媽睇到自己個仔或者女唔舒服嘅狀態，都會有咁嘅感覺。我唔係有心大聲。」至於有否打算了解幼子在錄影期間的回答，她反問「警察話開始咗錄影唔可以講嘢，我同邊個了解？…我只係睇到我個仔係度震。」
此外，趙形容錄影途中腦袋「一片空白」，「警察打畀我、坐車翻屋企、上警車去差館…我真係轉唔到」，再次激動稱「我唔係一個學歷好高嘅女人，我只係一個好細微好細微嘅清潔阿姨，我唔知點解會變成依家咁樣，今時今日坐係度，當時一片空白。」她續稱，幼子病發時除會出現手腳震抖、飆冷汗、怕光等症狀，對答只會「順住你啲問題回答，問『係唔係』會話『係』」，但平靜下來後答案會有所不同。
控方進而播放會面片段，當中次被告承認曾用電鋸襲擊一名伯伯，趙強調當刻只留意到幼子開始腳震，她自己雖聽到對話內容，惟「用唔到腦」，直至翌日下午依然維持同樣狀態。周大狀質疑，趙當時錄影時好像毫不關心。趙反駁「咁樣你又見到啊？」，重申縱使單憑屏幕所見幼子似乎表現正常，但對方當時的確已經病發。
被告劉子龍。 資料圖片
