職場上暗藏多項「潛規則」,連換飲水機的桶裝水也變成一門學問。有網民於社交平台投稿分享,指辦公室內掀起一場「換水風波」,疑有同事不滿自己經常要換水,貼上A4字條抗議,引起網民熱論。
設計圖片
該名網民於facebook專頁「公務員Secrets」投稿指,其辦公室內出現「換水風波」,有同事於飲水機的空樽貼上紙張,進行「文字嗌交」,疑似不滿每次都是他換水。從相中可見,該名同事於字條上寫道,「請問你為何斟晒啲水都唔換?有冇諗過下一個人感受?一滴水都未斟就要幫你換水」。
設計圖片
一名同事看到字條後,立即於下方回覆為自己辯解,「我有(成日)幫手換水㗎!大家同事無計啦!」。其後有同事貼上另一張紙條反駁,「換咗兩次我唔會同一日換第三次!SOR(對不起)!」。
辦公室疑掀「文字嗌交」,同事互鬧對方唔換水。FB圖片
事件引起網民熱論,有網民認為換水只是小事一樁,毋須斤斤計較,「這些舉手之勞,何足掛齒」、「換下有乜所謂,仲好可以健下身」;有網民則分享自己的換水經歷,「之前返office成日都我換,之後燥燥哋以後日日買咗清涼大水返工」、「有啲見水機冇水寧願頸渴都唔換水,等有人換咗先再去」。
資料來源:公務員Secrets
辦公室同事互貼大字報鬧對方唔換水。(istock圖片;細圖為FB圖片)
有男子於尖沙咀玩具店內以「一陽指」篤穿盲盒逐盒揀,店家公開CCTV緝兇。
中年男子用手指篤穿盲盒
近年流行「抽盲盒」,而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇,影片顯示,一名穿藍色長、戴粉紅色口罩的中男子,於店內以右手從貨架上取下一個玩具盲盒,並搖晃一番,然後又用左手取下另一個盲盒,重複相同的動作。
男子在搖晃間借故用左手手指篤穿其中一個盲盒,再窺看盒內的款式。顯然盒內款式不是男子所想要的,隨後店家發現貨架上有受損的盲盒,於是翻查CCTV,揭發事件。
(FB影片截圖)
店家公開CCTV片段緝兇
男子以為神不知鬼不覺,誰知篤穿盲盒的過程全被拍下,店家公開片段緝兇「究竟係邊一門派絕學?!本店近日發現貨品有圖中情況,翻查分店閉路電視後,清晰見一男子以絕學破盒弄穿以窺探款式,現請當事人迅速與本店聯絡,傳授其武功心法得以傳承,否則報警求助。」
店家也指「本店再次強力譴責以上事件,當事人肆意踐踏和傷害店鋪與客人間感情,嚴重遺反基本準則,如再發現同類事件,客人後果自負;本店或成最大贏家。」
(FB影片截圖)
網民鬧:丟假
帖文引熱議,不少網民大罵涉事男子「乜仲做埋D咁肉酸嘅嘢㗎?!丟假」、「睇佢個款都有成6張野,仲要做d咁X街既行為」、「頭髮都甩咗一大半,做人做到咁西。買曬返去自己慢慢拆喇」、「一百幾十都偷,垃圾,幾十歲人重偷玩具冇用,大大個衰樣出哂黎,快d返去比錢啦」、「盡快報警。不能姑息」、「唉,上網買咩款都得啦,點解要咁整小店既貨,成本好貴架」。
(FB影片截圖)
網民歪樓笑:失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功,沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀?摸下搖下就知係咩,佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功,雖然佢冇用喺正途方面」。
(FB影片截圖)
帖文來源:facebook