娛圈事
Joyce自稱與Alfred是「異父異母低能巨孖寶」。
鄭欣宜（Joyce）與許廷鏗（Alfred）相識多年，二人向來非常老友。欣宜於8月1日在社交網貼出多張6月份開演唱會時在紅館後台與Alfred的舊照，並冤氣自稱是「異父異母低能巨孖寶」，當中見欣宜凌空飛腿生擒Alfred，更有二人肉緊擁抱和咀嘴的合照，大放閃光彈。
鄭欣宜（右）6月時開紅館騷，邀來好友許廷鏗任嘉賓。
欣宜在每張相打了一個中文字，拼在一起是「珍惜眼前人」，而Alfred在IG限時動態亦有轉發照片，並搞笑表示：「真Shake硬纏人。Just in case鬼妹仔睇唔切。」，不少網民紛紛留言表示：「有種愛叫鄭欣宜許廷鏗」、「結婚得唔得？」、「好鍾意呢對孖寶」，而七師傅（七仙羽）亦有留言表示：「見到你幸福好開心」。
鄭欣宜於IG分享過期後台合照。
鄭欣宜形容二人是「異父異母低能巨孖寶」。
許廷鏗都有share。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
