港媽遇兩事致假期甚為失落 網民安慰：人生係修行

在冬至及聖誕等大時大節時，當然希望可以開開心心過節。不過，有港媽分享指，因為遇到兩件事，導致剛過去的冬至及聖誕節不愉快，更認為不開心的事是「一不離二，二不離三」。網民紛紛留言安慰，並指「人生係一個修行」。

該名港媽在親子王國討論區以「不愉快的冬至和聖誕節」為題發文，提到在上周四(22日)的冬至，與弟弟一家人及妹妹一同吃飯，由於自己與妹妹的住所接近，因此經常在用餐後一同乘搭的士回家，而當晚亦不例外。「點知第一架等到嘅係4人車，我妹一個人又話眼瞓，我就讓佢搭先」，她指自己一家四口已是成年人，認為等待下一輛的士亦沒有問題，沒料到當日欠缺運氣。「周圍行搵車，搵咗半個鐘先揾到」，她續稱兒子對此甚為生氣，並在回家後直言「我唔想同你講嘢」。

直到25日的聖誕節已過，兒子仍然當她透明。樓主指，曾向兒子解釋自己當時的想法，亦預料不到當時會難以尋找空車，「佢覺得我永遠對個妹好過自己個仔」，又指不擔心兒子不理會自己，「只係過時過節咁樣，點都有啲唔開心，一家人講句Merry Christmas都無埋。」

她又提到，早前在聖誕節前夕打算「搵節目」，而丈夫則指尖沙嘴海港城的聖誕裝飾「影相打卡唔錯」，但自己擔心隨後在回家時需要「迫地鐵」，因此在尖沙嘴預訂「酒店staycation」，「諗住影完相返上去休息第二朝食埋個早餐先走，咁樣好好多」。直到當晚約9時許在享用晚餐後，她提議出發前往商場拍照。沒想到，丈夫卻表示「食完飯要休息一陣，跟住又話眼瞓唔肯去住」，最終在11時才到達現場，但已「熄晒燈」，令她甚為失落。

她指，「講真真係幾火，我知啲裝飾無咁快拆，但我好少有咁嘅興致去學人玩下IG限時動態，咁都要搞喎佢，一場歡喜一場空，過咗聖誕先影就無咁應景啦！」她續指，父親曾向她表示，「『一不離二，二不離三』呢句話唔係亂講，好多時都係咁」，並指「我已經有兩件唔開心事，第三件會喺2022定2023發生呢? 會係咩呢?」

網民紛紛留言安慰，有人指「人生係一個修行，今年聖誕我自己一個，我買咗個小蛋糕自己影相自己食，如果以前我會好唔開心，而家慢慢我學會愛自己，享受屬於自己嘅時間」、「1）call定的士；2)為咗上社交平台出po，而影響自己情緒同身邊人，其實好無謂」、「其實都係小事，細佬仔唔諒解慢慢解釋佢知，畀著我係你，我都會讓阿妹，下次裝定幾個的士app，就唔會發生咁既問題，夫妻係一生一世，錯過呢啲節目有乜所謂？最緊要佢係你身邊，珍惜所擁有」、「我睇到你講嘅事都係好小事，如果咁係一不離二，二不離三，幫你擋咗災，咁都好彩啦，起碼全家齊整，身體健康，有食有玩，已經比很多人幸運」。

有網民安慰樓主指，「人生係一個修行」。網頁截圖

有人則建議樓主可以「call定的士」。網頁截圖

有人則建議樓主「珍惜所擁有」。網頁截圖

有人則批評樓主兒子的行為。網頁截圖

有人直言樓主要教導兒子。網頁截圖

另有人則批評樓主兒子的行為，並指「你個仔幾大呀？洗唔洗發咁大脾氣呀，話晒果個都係佢阿姨？等唔到的士未坐地鐵，巴士囉！畀我會鬧鬼佢」、「要畀個仔學下gentleman 啦! 正常都唔會要一個女人留喺街，畀我都會讓個妹先。有小朋友家庭又會上先咁」、「個仔咁小家一啲風度都無，咁小事連阿媽都嬲，畀我實鏟到佢飛起」、「你點唔高興都好，阿仔要教。嗰個係佢阿姨，長輩」等。

帖文來源：親子王國

有港媽大呻因為遇到兩件事，導致剛過去的冬至及聖誕節不愉快。資料圖片

一名阿叔於巴士開大喇叭看影片，乘客好言相勸不果，甚至播放「喃嘸阿彌陀佛」反擊，但阿叔仍無動於衷。最終車長介入，阿叔的回應卻令乘客表示「吹脹」。

示意圖。設計圖片

巴士阿叔開大喇叭睇片滋擾乘客

該乘客於facebook群組「馬鞍山之友 2.0」發文，表示日前乘搭680巴士返馬鞍山時，遇到一名沒有公德心的阿叔「上車一坐低已經開喇叭睇片」，樓主感到非常滋擾，試圖用眼神「睥佢」示意他注意音量，但對方毫無反應。樓主於是開口提醒他，但依然被無視「問佢係咪聾嘅又唔冇反應」。

乘客播「喃嘸阿彌陀佛」反擊

無奈之下，樓主決定坐近對方，開大手機播放「喃嘸阿彌陀佛」以示反擊，但對方仍然不為所動。更令人無語的是，他在看影片期間「吐咗啲嘢落手，再掉咗落地下」，非常嘔心，樓主於是再度出聲指責，這次阿叔終於有反應「吓」了一聲。確認對方並非聽障人士，樓主又問「咁大個人有冇公德？」惟阿叔繼續無視樓主。

車長出面調解 阿叔表示「我聽不懂」

樓主難忍其缺德行為，遂向車長投訴，車長上前調停，阿叔先是「吓」了兩聲，然後用普通話表示「我聽不懂」。令樓主無奈又氣憤「吹脹，但我相信佢其實一直知我不滿佢嘅行為，因為我行去搵司機前到返埋位佢都有望下我，司機講完走咗佢都望我，然後收返埋個電話」。樓主更上載阿叔的照片公審「有冇邊個係呢個阿叔嘅家屬，教下佢搭巴士嘅禮儀同公德吖唔該」。

網民鬧「廢老！」

帖文引熱議，不少網民對樓主的遭遇表示感同身受，並紛紛指責阿叔的自私行為「呢種人好討厭～收左工想休息下都吾得～只能祝福佢」、「可惜得你一個女仔，呢啲廢老唔太怕女仔」、「呢啲死廢老，持老賣老，x佢都唔理你，活在自己自私世界裡面」、「宜家好多呢d廢老，不過多數睇匪語片」、「搭地鐵都遇過唔少，真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉，有許多廢佬都 我行我素 ，自我中心， 唔會顧及其他人的感受，冇得救，遇到啲咁嘅人真係唔好彩」。

（FB截圖）

（FB截圖）

帖文來源：facebook群組「馬鞍山之友 2.0」