Skip to Content Facebook Feature Image

環保團體倡重用糭葉「吹乾下年再包糭」挨轟 急改字眼兼道歉

社會事

環保團體倡重用糭葉「吹乾下年再包糭」挨轟 急改字眼兼道歉
社會事

社會事

環保團體倡重用糭葉「吹乾下年再包糭」挨轟 急改字眼兼道歉

2024年06月13日 12:30 最後更新:13:14

環保團體「綠領行動」於社交平台發文,呼籲大眾重用糭葉隨即引來網民炮轟罔顧食物安全,迅速更改字眼兼發文致歉。

資料圖片

資料圖片

提倡重用剩下的糭葉 減少碳排放

「綠領行動Greeners Action」日前於其Facebook專頁發文,呼籲大眾在端午節食完糭後,將剩下來的糭葉重覆使用,減少製造垃圾:「食完糭之後,塊竹葉去咗邊呢?唔係就咁抌落垃圾桶掛.... 其實洗返乾淨吹乾就可以循環再用,下年再包過糭又得⋯」

FB截圖

FB截圖

網民洗版 炮轟「無腦!」、「離地!」

帖文引網民嘩然,不少網民批評團體言論「過火」兼離譜「你地成班人已經走火入魔」、「你地個腦真係送比回收佬都唔要」、「呢班環保團體已經走向極端主義」、「葉已經係大自然野都要重用,頂級,超卓」、「糉葉採集過程唔需要斬樹,唔用又可以自然分解,攪重用真係唔知意義響邊」、「糭葉點樣洗乾淨循環再用到下年?點樣保持新鮮又存放好無細菌滋生?你哋詳細講吓教吓市民,唔該!」

還有人揶揄「屈原投河個腦既入水量都唔夠你地咁多」、「請問你哋組織嘅人,炆屎係咪用毛巾?用手?用麻繩?定係廁紙洗完曬乾再用?」、「其實扇貝蒸完個殼都可以重用,唔少食店都做緊」、「唔該小編一年後用返啲洗乾淨嘅糭葉包糭,再食比我地睇」、「不如你地連草連葉都一齊食埋佢啦,洗葉同煲糉啲水記得留返嚟飲,飲唔晒拎去沖涼都得,刷牙就唔好喇,唔環保呀!」

涉事團體急改字眼 限制留言

面對網民猛烈的迴響,「綠領行動」迅速修改帖文,刪除了「下年再包過糉又得」的字眼,但仍保留了「其實洗返乾淨吹乾就可以循環再用」的建議。同時,為防止更多負面評論,綠領行動設置了只有追蹤專頁24小時以上的用戶才能留言的限制。

FB截圖

FB截圖

發文致歉「諗得唔夠全面」

另外,「綠領行動」又發文致歉「小編喺度同大家講聲唔好意思!早兩日端午節嗰篇提議重用糉葉嘅帖文,引起咗坊間好大反應,我已經收到大家意見喇~的確,出帖文之前諗得唔夠全面,忽略咗重用糉葉嘅可行性同衛生問題。明白大家覺得我有啲離地,真係對唔住!綠領行動嘅初衷都係希望大家可以過一個更環保嘅端午節,減少浪費。下次會再認真啲諗過先出帖文,保證會貼地實用!」

FB截圖

FB截圖

帖文來源:「綠領行動Greeners Action

近日社交平台流出一條影片,只見一大班港鐵職員在輕鐵月台向多名乘客查票,網友表示「一班人諗住唔比錢,點知落車就有一堆職員等佢地」隨即引來網民的熱議。

FB影片截圖

FB影片截圖

大批港鐵職員突擊查票 再有十幾名到場增援

有網民表示在小紅書見到相關影片,於是轉載分享。片中見到一大批身穿黃色制服的港鐵職員,正向剛下車的乘客查閱車票,而鏡頭一轉,原來月台的另一邊還有十幾名職員前來,相信是增援現場同事的。網民表示當時是輕鐵尾班車,「一班人諗住唔畀錢,點知落車就有一堆職員等緊佢哋」。

FB影片截圖

FB影片截圖

拍片網民興奮叫好:犀利啊!捉到好多人啊

而亦有網民是當日車上的乘客,她拍下當時的情況,並表示「還好我月票.....哇!幾十年沒見過這鐘點查票的,還要我不會中頭獎。」更似乎好興奮地表示「犀利啊!捉到好多人啊.....犀利!(港鐵)發達啦!」

FB影片截圖

FB影片截圖

月台企滿被罰乘客網友感驚訝

網友都對港鐵嚴厲執行查票行動讚好,他們留言「原來香港咁多人X坐霸王車。」、「應該罰款啲會捉一次罰一千」、「捉得好」、「要頻密啲出勤先至有阻嚇作用」、「勁! 捉曬逃票自私人」、「捉到位位罰二千就差唔多, 咁至有阻嚇性㗎嘛」

FB影片截圖

FB影片截圖

港鐵上年6月已提高罰則增加阻嚇作用

為了增加阻嚇作用,港鐵上年6月已提高罰則,上調附加費款額,重鐵網絡附加費將由現時500元增加至1,000元,而輕鐵及港鐵巴士的附加費則由290元上調至港幣370元,同時加派人手在多個輕鐵站內查票。

FB影片截圖

FB影片截圖

你 或 有 興 趣 的 文 章