葵芳垃圾站驚現「鋼琴跑車」遭遺棄 網民驚到「哇」一聲

有網民25日報料，指葵芳邨一垃圾站有「有鋼琴、有跑車」待救，強調被棄置街頭的鋼琴「粒粒鍵都彈到有聲」。同場遭丟棄的「跑車」，座椅新淨包工精細。有回應的網民認為「好浪費」，表示「早上去救」。

樓主指被棄置街頭的鋼琴「粒粒鍵都彈到有聲」。網圖

同場遭丟棄的「跑車」，座椅新淨包工精細。網圖

網民笑言「呢排車場貴，唔好再買車住」。網上截圖

坊間一直有「收琴」服務，二手鋼琴回收廣告大都標榜免費報價、高價回收，甚至表明即日搬走和現金即時交付等。見到有人大手筆棄琴，網民驚訝得「哇」了一聲，指「成部鋼琴唔要」。至於被丟棄的「跑車」，有網民則形容「呢架堅呀」，但笑說「呢排車場貴，唔好再買車住」。

帖文來源：Oh Yes! 有野執

網友驚訝「哇，成部鋼琴唔要」。網上截圖

有回應的網民認為「好浪費」。網上截圖

被棄置的鋼琴和「跑車」。

一名阿叔於巴士開大喇叭看影片，乘客好言相勸不果，甚至播放「喃嘸阿彌陀佛」反擊，但阿叔仍無動於衷。最終車長介入，阿叔的回應卻令乘客表示「吹脹」。

示意圖。設計圖片

巴士阿叔開大喇叭睇片滋擾乘客

該乘客於facebook群組「馬鞍山之友 2.0」發文，表示日前乘搭680巴士返馬鞍山時，遇到一名沒有公德心的阿叔「上車一坐低已經開喇叭睇片」，樓主感到非常滋擾，試圖用眼神「睥佢」示意他注意音量，但對方毫無反應。樓主於是開口提醒他，但依然被無視「問佢係咪聾嘅又唔冇反應」。

乘客播「喃嘸阿彌陀佛」反擊

無奈之下，樓主決定坐近對方，開大手機播放「喃嘸阿彌陀佛」以示反擊，但對方仍然不為所動。更令人無語的是，他在看影片期間「吐咗啲嘢落手，再掉咗落地下」，非常嘔心，樓主於是再度出聲指責，這次阿叔終於有反應「吓」了一聲。確認對方並非聽障人士，樓主又問「咁大個人有冇公德？」惟阿叔繼續無視樓主。

車長出面調解 阿叔表示「我聽不懂」

樓主難忍其缺德行為，遂向車長投訴，車長上前調停，阿叔先是「吓」了兩聲，然後用普通話表示「我聽不懂」。令樓主無奈又氣憤「吹脹，但我相信佢其實一直知我不滿佢嘅行為，因為我行去搵司機前到返埋位佢都有望下我，司機講完走咗佢都望我，然後收返埋個電話」。樓主更上載阿叔的照片公審「有冇邊個係呢個阿叔嘅家屬，教下佢搭巴士嘅禮儀同公德吖唔該」。

網民鬧「廢老！」

帖文引熱議，不少網民對樓主的遭遇表示感同身受，並紛紛指責阿叔的自私行為「呢種人好討厭～收左工想休息下都吾得～只能祝福佢」、「可惜得你一個女仔，呢啲廢老唔太怕女仔」、「呢啲死廢老，持老賣老，x佢都唔理你，活在自己自私世界裡面」、「宜家好多呢d廢老，不過多數睇匪語片」、「搭地鐵都遇過唔少，真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉，有許多廢佬都 我行我素 ，自我中心， 唔會顧及其他人的感受，冇得救，遇到啲咁嘅人真係唔好彩」。

（FB截圖）

（FB截圖）

帖文來源：facebook群組「馬鞍山之友 2.0」