令人反胃
夏季炎熱，大家都會選擇透心涼的服飾，涼鞋是大熱之選，不過如果有香港腳的話，就最好避免穿着了，因為腳臭味會傳遍每個角落，甚至影響到其他人。
GETTY圖片
近日就有打工仔大呻有女同事懷疑有「香港腳」，返工時「成日聞到有陣鹹魚味」，甚至意外發現對方「喺枱底見到佢喺到捽腳趾，一地都係腳皮呀」，不禁大嘆：「真係聞唔到自己有腳臭？」不少網民也「見字聞味」，紛紛提議樓主「寫匿名信講畀佢聽你嘅感受」、「向人事部投訴」。
GETTY圖片
樓主在「香港討論區」大吐苦水，指由於公司沒有規定員工必須要穿上密頭鞋，所以夏天多了同事穿涼鞋上班，但「呢幾日成日聞到有陣鹹魚味」，一直找不到源頭。直至樓主有一次跌了物件，俯身拾回期間見到有一位女同事「喺枱底見到佢係到捽腳趾，一地都係腳皮呀」、「仲要隔成張枱都有陣鹹魚味」，令他懷疑對方有「香港腳」，慨嘆「腳臭我都知佢唔想，唔通佢真係聞唔到自己有腳臭？」。
GETTY圖片
帖文引來大批網民討論，有人認為「佢自己唔知腳臭」、「寫匿名信講畀佢聽你嘅感受」、「向人事部投訴」，但亦有網民指出「如果臭，就肯定係衛生出現問題，要着襪（每日洗）及定期洗鞋，仲可以用臭腳粉，減少出汗異味」。
GETTY圖片
一名阿叔於巴士開大喇叭看影片，乘客好言相勸不果，甚至播放「喃嘸阿彌陀佛」反擊，但阿叔仍無動於衷。最終車長介入，阿叔的回應卻令乘客表示「吹脹」。
示意圖。設計圖片
巴士阿叔開大喇叭睇片滋擾乘客
該乘客於facebook群組「馬鞍山之友 2.0」發文，表示日前乘搭680巴士返馬鞍山時，遇到一名沒有公德心的阿叔「上車一坐低已經開喇叭睇片」，樓主感到非常滋擾，試圖用眼神「睥佢」示意他注意音量，但對方毫無反應。樓主於是開口提醒他，但依然被無視「問佢係咪聾嘅又唔冇反應」。
乘客播「喃嘸阿彌陀佛」反擊
無奈之下，樓主決定坐近對方，開大手機播放「喃嘸阿彌陀佛」以示反擊，但對方仍然不為所動。更令人無語的是，他在看影片期間「吐咗啲嘢落手，再掉咗落地下」，非常嘔心，樓主於是再度出聲指責，這次阿叔終於有反應「吓」了一聲。確認對方並非聽障人士，樓主又問「咁大個人有冇公德？」惟阿叔繼續無視樓主。
車長出面調解 阿叔表示「我聽不懂」
樓主難忍其缺德行為，遂向車長投訴，車長上前調停，阿叔先是「吓」了兩聲，然後用普通話表示「我聽不懂」。令樓主無奈又氣憤「吹脹，但我相信佢其實一直知我不滿佢嘅行為，因為我行去搵司機前到返埋位佢都有望下我，司機講完走咗佢都望我，然後收返埋個電話」。樓主更上載阿叔的照片公審「有冇邊個係呢個阿叔嘅家屬，教下佢搭巴士嘅禮儀同公德吖唔該」。
網民鬧「廢老！」
帖文引熱議，不少網民對樓主的遭遇表示感同身受，並紛紛指責阿叔的自私行為「呢種人好討厭～收左工想休息下都吾得～只能祝福佢」、「可惜得你一個女仔，呢啲廢老唔太怕女仔」、「呢啲死廢老，持老賣老，x佢都唔理你，活在自己自私世界裡面」、「宜家好多呢d廢老，不過多數睇匪語片」、「搭地鐵都遇過唔少，真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉，有許多廢佬都 我行我素 ，自我中心， 唔會顧及其他人的感受，冇得救，遇到啲咁嘅人真係唔好彩」。
（FB截圖）
（FB截圖）
帖文來源：facebook群組「馬鞍山之友 2.0」
