張致恒一家六口遊主題公園被捕獲 網民： 原來窮係因為一家幾口去迪士尼...

張致恒一家六口近日在主題樂園被捕獲，惹來不少網民質疑他們 一家一邊呻窮一邊有錢去玩，但其實是有原因！

有「離婚界KOL」之稱的張致恒（Steven）和老婆區燕雯（雯雯）結婚四年抱四，但長期經濟困難，雯雯經常在網上呻窮，雖然張致恒曾經去打工，又和老婆合作搞影片製作平台，但最終都無疾而終，張致早前更曾在IG貼出收款二維碼做「伸手黨」求助養，被網民怒斥「進化成為乞丐」，近日竟然有網民捕獲張致恒一家六口同遊主題樂園。

張致恒一家經常成為網上熱話。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

張致恒早前曾因貼出收款二維碼做「伸手黨」，而被網民怒斥「進化成為乞丐」。

不過，不久後張致恒就表示已找到工作，並表示安頓好便會逐一還錢。

有網民在「小紅書」貼出在香港迪士尼樂園偶遇張致恒一家六口的照片，可見張致恒用孭帶孭住孻仔，雯雯則攬住三仔，一家六口開心與跳跳虎合照，但素顏上陣的雯雯看上去憔悴了不少，難怪有網民表示：「第一眼睇以為邊個屋企又帶工人去迪士尼，女人生完真係好傷身。」

張致恒一家六口在迪士尾被捕獲。

不過，很多網民都質疑張致恒一家一邊呻窮一邊有錢去玩，「我唔明點解可以一邊喊窮一邊去咁貴入場費嘅廸士尼」、「原來窮係因為一家幾口去迪士尼」、「喊窮沒錢還能去迪士尼瀟灑，一支球隊去迪士尼，這個花費不少喲」，但其實3歲以下小童可以免費進入香港迪士尼樂園，而且雯雯早前曾公開感謝有心人送贈了四張、總值5,112元的迪士尼年票銀卡，所以如果今次一家六口在園內沒有消費，就只需付來往交通費用就可以入場。

網民留言

雯雯早前曾公開感謝有心人送贈了四張迪士尼年票銀卡。

事緣雯雯生日前曾表示生日願望是帶囝囝們去迪士尼和海洋公園玩。

雖然不少網民都對張致恒一家持負面印象，但也有網民表示：「不要打我啊！我看見他們對自己的孩子真的很好啊，比起那些生而不養、虐打孩子的，雖然錢不會賺，至少對孩子的愛是真誠的」、「放過他們吧，人家也不是殺人放火，何況三個小孩也要健康成長，一直對別人惡言相向，對自己有甚麼好處呢？」但就被其他網民反駁，「佢哋唔周圍乞錢，兩公婆成日擺屋企野上枱，啲小朋友就唔會俾人指指點點，啲父母害咗小朋友。其實無人對小朋友惡言相向，剩係同情」，更有人指：「是他兩公婆不肯放過網友吧！」

網民留言

網民留言

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。