北上消費已成為不少港人生活的一部份，有內地小紅書用戶近日就發現了某店家的貨架上貼了一句宣傳標語，令他不禁讚歎商家為了搶生意，真的是出盡法寶！
小紅書圖片
示意圖，《愛回家》劇照
貨架貼特製廣東話小標語
這位內地網民以「深圳為了吸引香港觀光客消費，真的很拼。」為題，在小紅書發帖。他附上一張相片，只見深圳某店家的貨架上，貼了一張特地以廣東話寫的宣傳標語「呢啲嘢香港冇得賣」，以作招徠。網民笑指店家為了吸引港客的眼球，出此妙招，「真的很拼」！
小紅書圖片
網友提議商家可以寫埋呢一句
帖文一出後，引來上千網民的留言，大家議論紛紛，更貼相為證，稱自己也在其他地方見到相同或相似的宣傳標語，如山姆超市、玩具反斗城及其它玩具店等。原來除了「呢啲嘢香港冇得賣」、還有「呢啲嘢便過香港」、似乎是與香港商家搶客！網民紛紛寫到「驚佢看漏眼」、「同香港搶生意」、「和我去香港藥店銷售員和我說的話一模一樣」、「笑死，商戰」等，有人甚至提議「商家可以加多一句：呢個價錢香港絕對買唔到。」有人就大讚內地商家有生意頭腦，「還是大陸人會做生意，和氣生財，來者皆是客。」
小紅書圖片
小紅書圖片
網友建議內地餐廳可以加入競爭行列
另外，由於香港已實施管制即棄塑膠餐具及產品，餐廳外賣都不得免費派發塑膠餐具，有網民笑指內地餐廳可以加入競爭行列，創作一些標語如「啲食肆可以擺啲一次性餐具係度：呢啲嘢香港無得送。」
小紅書圖片
一名阿叔於巴士開大喇叭看影片，乘客好言相勸不果，甚至播放「喃嘸阿彌陀佛」反擊，但阿叔仍無動於衷。最終車長介入，阿叔的回應卻令乘客表示「吹脹」。
示意圖。設計圖片
巴士阿叔開大喇叭睇片滋擾乘客
該乘客於facebook群組「馬鞍山之友 2.0」發文，表示日前乘搭680巴士返馬鞍山時，遇到一名沒有公德心的阿叔「上車一坐低已經開喇叭睇片」，樓主感到非常滋擾，試圖用眼神「睥佢」示意他注意音量，但對方毫無反應。樓主於是開口提醒他，但依然被無視「問佢係咪聾嘅又唔冇反應」。
乘客播「喃嘸阿彌陀佛」反擊
無奈之下，樓主決定坐近對方，開大手機播放「喃嘸阿彌陀佛」以示反擊，但對方仍然不為所動。更令人無語的是，他在看影片期間「吐咗啲嘢落手，再掉咗落地下」，非常嘔心，樓主於是再度出聲指責，這次阿叔終於有反應「吓」了一聲。確認對方並非聽障人士，樓主又問「咁大個人有冇公德？」惟阿叔繼續無視樓主。
車長出面調解 阿叔表示「我聽不懂」
樓主難忍其缺德行為，遂向車長投訴，車長上前調停，阿叔先是「吓」了兩聲，然後用普通話表示「我聽不懂」。令樓主無奈又氣憤「吹脹，但我相信佢其實一直知我不滿佢嘅行為，因為我行去搵司機前到返埋位佢都有望下我，司機講完走咗佢都望我，然後收返埋個電話」。樓主更上載阿叔的照片公審「有冇邊個係呢個阿叔嘅家屬，教下佢搭巴士嘅禮儀同公德吖唔該」。
網民鬧「廢老！」
帖文引熱議，不少網民對樓主的遭遇表示感同身受，並紛紛指責阿叔的自私行為「呢種人好討厭～收左工想休息下都吾得～只能祝福佢」、「可惜得你一個女仔，呢啲廢老唔太怕女仔」、「呢啲死廢老，持老賣老，x佢都唔理你，活在自己自私世界裡面」、「宜家好多呢d廢老，不過多數睇匪語片」、「搭地鐵都遇過唔少，真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉，有許多廢佬都 我行我素 ，自我中心， 唔會顧及其他人的感受，冇得救，遇到啲咁嘅人真係唔好彩」。
（FB截圖）
（FB截圖）
帖文來源：facebook群組「馬鞍山之友 2.0」
