港男於荃灣遇到一名化濃妝陌生女,對方稱「無錢,好肚餓」要求他請食飯,港男拒絕後感內疚,網民卻咁話。
(FB截圖)
港男荃灣遇陌生女子要求請食飯
該港男於Facebook群組「香港突發事故報料區及討論區」發文,表示日前到荃灣某店舖買麵包後,一名陌生女子突然走近,更「細細聲」稱自己「無錢,好肚餓」,女子甚至要求樓主請吃飯。樓主當時「無理佢」表示拒絕,但事後卻心生內疚之感,懷疑自己是否缺乏同情心「請問大家一下,是不是有點沒有同情心嗎?」
(FB圖片)
女子打扮亮麗光鮮更化濃妝
從樓主上載的兩張照片可見,該名自稱「無錢開飯」的女子,不單穿著整潔乾淨,而且悉心打扮化上濃妝。她配戴著頸鏈、鑽石耳環、手錶、金戒指,亦背著一個精緻的手袋,明顯不像一個經濟困難或無法解決溫飽問題的人。
(FB圖片)
網民直指「請食飯黨」騙子
帖文引熱議,不少網民直指女子只是「請食飯黨」的騙子:「騙徒不需要理會」、「她就是來騙你的同情心,跟住有機會打蛇隨棍上」、「通常呢啲case你話買個飯比佢就唔要,要你比錢佢」、「你都見到佢右手中指有一隻金戒指,同埋手錶點會無錢開飯!去到二叔押咗去就得囉!點會無錢擺到明係老千」、「你真係冇同情心,應該叫佢去差館,叫警察幫佢叫嘛」、「勿縱容,有手錶手袋,可以同二叔公度」、「宜家好多呃錢食飯黨?唔使同情唔好上當」。
(FB截圖)
女子妝容成焦點
有人亦將焦點放在女子的豔抹濃妝上,戲言「邊度殯儀館個屍體未死透走出嚟?」、「紙紮公仔妝」、「有錢買咁厚粉底搽,冇錢食飯??!!」、「宜家幾月。咁時運高。仲好清晰」、「有冇可唔可以請我食粥呀?元寶蠟燭啊」、「咁快7月14?」、「個樣好恐怖」、「生化危機」、「化到馬騮屎忽咁樣嘅」。
(FB截圖)
帖文來源:Facebook群組「香港突發事故報料區及討論區」
一名阿叔於巴士開大喇叭看影片,乘客好言相勸不果,甚至播放「喃嘸阿彌陀佛」反擊,但阿叔仍無動於衷。最終車長介入,阿叔的回應卻令乘客表示「吹脹」。
示意圖。設計圖片
巴士阿叔開大喇叭睇片滋擾乘客
該乘客於facebook群組「馬鞍山之友 2.0」發文,表示日前乘搭680巴士返馬鞍山時,遇到一名沒有公德心的阿叔「上車一坐低已經開喇叭睇片」,樓主感到非常滋擾,試圖用眼神「睥佢」示意他注意音量,但對方毫無反應。樓主於是開口提醒他,但依然被無視「問佢係咪聾嘅又唔冇反應」。
乘客播「喃嘸阿彌陀佛」反擊
無奈之下,樓主決定坐近對方,開大手機播放「喃嘸阿彌陀佛」以示反擊,但對方仍然不為所動。更令人無語的是,他在看影片期間「吐咗啲嘢落手,再掉咗落地下」,非常嘔心,樓主於是再度出聲指責,這次阿叔終於有反應「吓」了一聲。確認對方並非聽障人士,樓主又問「咁大個人有冇公德?」惟阿叔繼續無視樓主。
車長出面調解 阿叔表示「我聽不懂」
樓主難忍其缺德行為,遂向車長投訴,車長上前調停,阿叔先是「吓」了兩聲,然後用普通話表示「我聽不懂」。令樓主無奈又氣憤「吹脹,但我相信佢其實一直知我不滿佢嘅行為,因為我行去搵司機前到返埋位佢都有望下我,司機講完走咗佢都望我,然後收返埋個電話」。樓主更上載阿叔的照片公審「有冇邊個係呢個阿叔嘅家屬,教下佢搭巴士嘅禮儀同公德吖唔該」。
網民鬧「廢老!」
帖文引熱議,不少網民對樓主的遭遇表示感同身受,並紛紛指責阿叔的自私行為「呢種人好討厭~收左工想休息下都吾得~只能祝福佢」、「可惜得你一個女仔,呢啲廢老唔太怕女仔」、「呢啲死廢老,持老賣老,x佢都唔理你,活在自己自私世界裡面」、「宜家好多呢d廢老,不過多數睇匪語片」、「搭地鐵都遇過唔少,真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉,有許多廢佬都 我行我素 ,自我中心, 唔會顧及其他人的感受,冇得救,遇到啲咁嘅人真係唔好彩」。
(FB截圖)
(FB截圖)
帖文來源:facebook群組「馬鞍山之友 2.0」