繼早前網上流傳市面湧現$500假鈔，多人中招後，有網友在FB群組手持3張鈔票，提醒大家「收錢嘅小心！估下這裡只有幾多錢？」暗指有騙徒以澳門10元扮100元港幣，他不幸中招！
示意圖片
紙鈔背景同是紅色 亦是中國銀行發行
這位網民在群組上載圖片，相片中有人手持3張鈔票，右邊第一張很明顯是100元港幣，但左邊兩張紙幣因被遮住了，望上去背景同是紅色，亦是中國銀行發行，唯看不到金額。樓主寫到「收錢嘅小心！估下這裡只有幾多錢？」
FB群組圖片
眼利網民找出兩者不同
很多眼利的網民留言「大約120港元，睇到BANCO DA CHINA（葡萄牙文「中國銀行」）」、「100蚊港幣加20蚊澳門元」、「澳門錢大細唔同，其實好易認」、「建築物是澳門中銀大廈」，更有人指「你唔講我都睇唔出問題」。
FB截圖
樓主慘失180.6港元
如網民所言，樓主本應收到300港元，但卻被騙徒以兩張澳門10元紙幣（約9.7港元）矇混過關，實收只有119.4港元，損失了180.6港元。
示意圖。《愛回家》劇照
再三提醒：收錢嘅，一定要一張張數！
網民問到「是否有人中招」、「謝謝提醒」、「真係好似樣」、而樓主最後亦都在留言區語重心長地寫到「收錢嘅，一定要一張張數！點清楚！」
男食客於荃灣食肆內用餐不滿侍應踢到BB櫈櫈腳，爆粗辱罵對方，侍應道歉不果被焫著欲衝廚房擸架生還擊，幸好被同事及時制止。
狂躁男不滿侍應踢到BB櫈櫈腳
有網民於facebook群組「飲食黑店大全」轉載一影片，事發地點為荃灣廣場一間食肆內，影片顯示一名男食客因不滿侍應踢到其女兒BB櫈的櫈腳，於是發爛渣不斷爆粗辱罵「X你老母」。多名同事上前了解，侍應最初態度良好，亦有向男食客道歉，唯對方客脾氣越來越大，更當場將BB櫈掟開，咄咄逼人「張枱係你哋職員畀我嘅，張櫈係你職員畀我嘅，𠵱家踢到係我問題，係唔係？」甚至揚言要報警「你整親我個女，報警」。
男食客（金髮）不斷爆粗辱罵「X你老母」，男侍應（戴口罩）終被撻著反擊，雙方爆發衝突。（FB影片截圖）
侍應道歉無果反被焫着
男食客三番四次爆粗，侍應亦被焫着反駁「又X我老母，你有冇老母？係咪大家都有老母？」、「踢到張櫈腳咋」，雙方互相出手推撞，陷入大混戰，在旁同事嘗試勸阻，場面一度混亂。期間，侍應越發激動，更想衝入廚房，估計想「擸架生」還擊，幸而同事及時制止。
（FB影片截圖）
（FB影片截圖）
老婆抱女兒食花生 目擊者歎「畀人斬唔好喊」
過程中，男食客的老婆沒有勸交，只有笑笑口抱著女兒從旁觀察，其他食客擔心被殃及紛紛離開。有目擊者表示「其實啲人真係呀，咁小事搞到咁樣，畀人斬唔好喊」。
男食客的老婆抱著女兒走開。（FB影片截圖）
網民批評狂躁男「無品」
影片曝光後，網民紛紛鬧爆男食客「最佳處理應該報警。有片為証，西客可能被判擾亂罪成」、「其實係咪想唔比錢咋，咁惡，又擸凳又掉凳咁，報公安啦。個BB女真係慘」、「有病唔好出嚟搞事去睇醫生啦！咁小事唔好x人老母，何況人哋已經道咗歉仲要忍你咁多次，打份工啫，我相信好多人如果面對咁樣都會爆煲」、「人地好聲好氣道歉，仲要大大聲攞彩x人老母，第時個女咁樣對返佢哋」。
食客紛紛離開餐廳，免受波及。（FB影片截圖）
帖文來源：facebook群組「飲食黑店大全」
