85歲輪椅婆婆截的士 等45分鐘無一架肯停 幸獲燒臘師傅仗義相助

一名85歲坐輪椅的婆婆與外傭早前在北角截的士，足足等了45分鐘卻無一架願意接載，幸得燒臘舖師傅幫忙才成功上車，其孫怒斥司機「垃圾」。

（示意圖）

85歲輪椅婆婆截的士 等足45分鐘無車肯停

該位婆婆的孫仔於Facebook群組「的士司機資訊網 Taxi」發文，表示其85歲且需坐輪椅出行的外婆，日前與外傭於北角截的士，不過他們「足足等咗45分鐘」，竟沒有司機願意停下接載「十幾架車扮睇唔到」。

示意圖。設計圖片

婆婆截唔到車 幸獲燒臘師傅仗義幫忙

期間，一名在附近燒臘舖工作的師傅看不過眼，假裝自己要截的士，才終於成功截停一輛的士，但司機見到輪椅後仍以各種理由拒載「話交更又話唔識路」。幸好，燒味師傅再次幫忙，截停第二架的士，最終外婆才成功上車前往目的地。

Getty示意圖

孫仔心痛外婆遭遇 發文怒轟的士業界

樓主知道外婆的遭遇後，非常憤怒，發文怒斥的士司機「支旗$150 ，我想講你哋係垃圾就係垃圾，唔好扮樹大有枯枝，唔好扮清泉，你哋喺社會就係地底泥，你個仔唔會為你自豪，你哋個仔話俾人知自己老竇係渣的士都只會自卑」、「大家返工都係想搵多啲錢，你唔得就下架，但見到啲阿婆都集體直行直過，要幾磨滅咗個人性」。

示意圖(圖片來源:星島日報)

不少網民分享類似經歷

帖文引熱議，不少網民亦附和樓主，群起批評的士司機「我都試過帶住老人家，會行會走、冇輪椅，九龍去上環，個個星期都被幾架車拒載」、「唔好講話老人家坐輪椅，我個女仲係細嘅時候抱住佢截車，好多的士佬已經唔停車」、「我試過上咗車，佢話ok，去到隧道口先話唔係過海車，放低咗我照收錢」、「明白你感受！我成日預到」、「我接我老豆去醫院除咗call收貴d個款輪椅車都無其他方法了」。

Getty圖片

帖文來源：Facebook群組「的士司機資訊網 Taxi」

一名阿叔於巴士開大喇叭看影片，乘客好言相勸不果，甚至播放「喃嘸阿彌陀佛」反擊，但阿叔仍無動於衷。最終車長介入，阿叔的回應卻令乘客表示「吹脹」。

示意圖。設計圖片

巴士阿叔開大喇叭睇片滋擾乘客

該乘客於facebook群組「馬鞍山之友 2.0」發文，表示日前乘搭680巴士返馬鞍山時，遇到一名沒有公德心的阿叔「上車一坐低已經開喇叭睇片」，樓主感到非常滋擾，試圖用眼神「睥佢」示意他注意音量，但對方毫無反應。樓主於是開口提醒他，但依然被無視「問佢係咪聾嘅又唔冇反應」。

乘客播「喃嘸阿彌陀佛」反擊

無奈之下，樓主決定坐近對方，開大手機播放「喃嘸阿彌陀佛」以示反擊，但對方仍然不為所動。更令人無語的是，他在看影片期間「吐咗啲嘢落手，再掉咗落地下」，非常嘔心，樓主於是再度出聲指責，這次阿叔終於有反應「吓」了一聲。確認對方並非聽障人士，樓主又問「咁大個人有冇公德？」惟阿叔繼續無視樓主。

車長出面調解 阿叔表示「我聽不懂」

樓主難忍其缺德行為，遂向車長投訴，車長上前調停，阿叔先是「吓」了兩聲，然後用普通話表示「我聽不懂」。令樓主無奈又氣憤「吹脹，但我相信佢其實一直知我不滿佢嘅行為，因為我行去搵司機前到返埋位佢都有望下我，司機講完走咗佢都望我，然後收返埋個電話」。樓主更上載阿叔的照片公審「有冇邊個係呢個阿叔嘅家屬，教下佢搭巴士嘅禮儀同公德吖唔該」。

網民鬧「廢老！」

帖文引熱議，不少網民對樓主的遭遇表示感同身受，並紛紛指責阿叔的自私行為「呢種人好討厭～收左工想休息下都吾得～只能祝福佢」、「可惜得你一個女仔，呢啲廢老唔太怕女仔」、「呢啲死廢老，持老賣老，x佢都唔理你，活在自己自私世界裡面」、「宜家好多呢d廢老，不過多數睇匪語片」、「搭地鐵都遇過唔少，真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉，有許多廢佬都 我行我素 ，自我中心， 唔會顧及其他人的感受，冇得救，遇到啲咁嘅人真係唔好彩」。

（FB截圖）

（FB截圖）

帖文來源：facebook群組「馬鞍山之友 2.0」