娛圈事
情人節及農新年許廷鏗會在工作中度過，因為要努力希望今年在紅館開個唱。
許廷鏗（Alfred）說昨日錄新歌同準備做新碟，很希望今年能夠開個唱，因為見到JW（王灝兒）與衛蘭的個唱都好成功，加上好友鄭欣宜亦將會開演唱會。
Alfred正錄新歌準備出碟，亦希望紅館開個唱。
他說：「我有多啲歌先可以慳出時間去旅行，最想紅館開個唱，因為見到衛蘭做得幾好，希望自己有日踏上紅館踏得穩啲。」談到嘉賓方面，他笑言要一班朋友前來，因為不想得失任何朋友。
許廷鏗挑選情人節朱古力送給三位粉絲。
好友鄭欣宜亦將會開演唱會，激勵許廷鏗想在紅館開個唱。(網上圖片)
衛蘭在紅館開個唱，得好成績。(資料圖片)
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
