香港人為2蚊可以有幾盡？
填詞人「梁栢堅」的facebook專頁上載一名巴士男乘客與巴士司機對話的照片，指該名乘客不滿上程車收多了2元，要求車長「減價」被拒，於是打電話一路投訴直至落車。
巴士乘客為上一程多收2元車費與司機理論。網上圖片
專頁指，該名戴眼鏡男乘客於中環上車，向巴士車長聲稱「頭先我搭架城巴司機唔記得轉收費，我呢程俾返少啲。」車長拒絕，「下冇得咁喎，我呢架收足㗎，你咪俾少」。乘客再次堅持有上程巴士的車牌號碼，司機於是叫乘客致電公司查詢。
專頁續指，男乘客真的打電話投訴，車長則出乎意料繼續開車。專頁指，「原來佢（男乘客）之前搭另一架收多咗佢兩蚊，佢又記低客服個號碼同直線電話，總之好XX煩，要城巴俾返兩蚊佢，然後架車到銅鑼灣，佢嘟卡然後準備落車⋯」。
巴士乘客為上一程多收2元車費與司機理論。網上圖片
當男乘客準備落車時，贈上一句「麻煩曬車長」，豈料巴士車長「回敬」：「唔麻煩呀，你鐘意玩我同你停低架車慢慢玩都得！」。男乘客當場愕然，落車之後行返去車頭對返司機「攞X返個尾彩，指X住司機⋯依家你係返工㗎唔係玩嘢！」。車長於是反擊，「嗰兩蚊喺度搞咁多嘢喺度追，唔知以為爭你廿萬！」。
事件引起網民議論紛紛，有網民指「香港人真喺好得意，掙嗰兩蚊窮追不捨，唔見過萬億卻不聞不問」、「阿叔追兩蚊無錯，但追住第二個司機+騷擾就錯晒」。不過有人不認為男乘客有錯， 「唔係錢嘅問題，係原則嘅問題」、「係笑人追兩蚊，還是笑人地跟程序打俾巴士公司，盡力追番俾多左既嘢，落車嘟番卡...睇唔起人地重視兩蚊？」。另外也有網民指，「其實呢個位置大聲講電話已經可以趕落車」。
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
