何韻詩多次為反修例發聲
反對修訂《逃犯條例》示威者昨晚在沙田新城市廣場內,與警方爆發嚴重衝突,釀成至少28人受傷。立場反修例的歌手何韻詩早前曾多次發聲,有網民昨晚目擊她現身沙田,更有份幫忙疏散人群。
何韻詩在其facebook發文,並用文字描述昨晚現場的情況。
何韻詩facebook全文:
本身下午有事無參與遊行,後來見到Live開始唔對路,先趕過去。去到沙田完全圍城咁、封曬路,結果要轉去第二度搭火車過去,其實入到去已經九點幾。
站內一片混亂,好多人喺商場入面受驚但又走唔到,去到閘口見到兩批防暴同便衣警察企喺商場嗰邊封曬路,並且同示威者對罵。
入商場大家都係想走啫,叫人離開又唔俾人離開,入面有老有嫩,係要全副武裝恐嚇人、大打出手先得?明明合法遊行係都要流血收場,呢個到底係咩玩法?