媽媽們要檢查得密一點
水樽的飲管容易滋生細菌，因此在使用後亦需要徹底清洗。然而，有網民近日在網上發文，指其外傭疑沒有徹底清洗小朋友所使用的水樽，因此自己在檢查時竟發現飲管發霉。
拆出樽蓋前(左)與拆出樽蓋後(右)。網民Cynthia Cheng圖片
該網民周一(16日)在Facebook群組「外傭僱主必看新聞訊息」發文，指自己在檢查小朋友的水樽時，發現外傭雖然每日亦有清洗水樽，但只將水樽表面清洗乾淨，並在拆出樽蓋後，意外發現膠飲管內藏有霉菌。網民直言，「心痛死我，是因為小朋友日日都用緊」，並指「做咗7個月已經掉咗3個水樽」。她其後亦在留言中補充指，家中已備有奶樽刷及飲管刷等用品，但指「擺左7個月都無見用過，我要求每次都要用清潔液洗，都唔知佢是否有洗」，並指「我成日都好奇，個奶樽海棉好似無用過咁」。該網民續指，「無論水壺、飲管、杯都有漬」。
不少網民其後紛紛留言，直言「叫佢用個水壺飲水，睇到都嬲」、「好多姐姐都係洗到咁，佢哋乾淨既定義同我地好唔同」、「嘩，個飲管好恐怖喎，有無教過佢點洗架? 日日睇住佢洗」、「佢地係咁，要久不久就突擊check下佢，尤其係佢放假時，就會發現好多野，其實只係做左表面或求求其其做就算」等。
九龍灣有司機疑無視車場出入口高度限制，強行將貨車駛入慘被「開罐頭」剷頂，網民笑「開蓬貨車」。
(FB圖片）
司機疑未有留意出入口車輛高度限制
有網民於Facebook群組「馬路的事討論區」發文，表示同事轉發他兩張照片，事發地點為九龍灣一貨運中心車場出入口，一輛貨車司機懷疑未有留意出入口車輛高度限制，導致貨櫃頂部與出入口上方牆壁發生碰撞，造成嚴重損壞。
貨車慘遭「開罐頭」車頂被鏟飛
照片顯示，貨車的橙色車頂被車場出入上方的石屎牆剷起，貨櫃的側面也被擠彎變形，入面的貨物飲品甚至被撞到東歪西倒，一名穿紅衣的男士正狼狽地整理。
(FB圖片）
網民認出涉事地點是三湘九龍灣貨運中心
照片曝光後，有眼利網民認出，涉事地點是三湘九龍灣貨運中心「好似係三湘落地牢位喎」、「三湘地下樓底好矮」、「下面最多入貨VAN，可樂車邊有可能落倒去架？」、「密斗可以入，不過有高度限制」、「個條石屎邊已經好多戰績」、「個樓底充滿歲月痕跡」、「我之前渣個架係5.5入到去，個西客係要指定交入邊個間UPS，出來個下要慢慢開」。
(FB圖片）
網民笑似「開蓬貨車」
有網民不但不同情，更取笑表示「開蓬貨車」、「可能司機昨晚開罐頭，未回魂」、「車爛咗唔緊要，貨要送埋先」、「司機：我只係識揸車，有路就行有窿就捐，其他理得你！」、「好明顯同公司有仇」、「只能怪自己冇睇高度提示牌」、「公司故意俾架比平時高啲嘅車佢揸，等佢出意外，整蠱司機」、「打工最多賠$300」。
（Google截圖）
帖文來源：Facebook群組「馬路的事討論區」
