毛漢表示清洗了十幾次仍然洗唔走藍色。
清真寺遭到水炮車弄污。 資料圖片
印度協會前主席毛漢（Mohan Chugani）周日路過尖沙嘴清真寺，被警方水炮車噴出的藍水射中，他表示清洗了十幾次，昨日雙腳依然洗唔甩啲藍色，他要求特首同警務處長向全港公私營醫院通報藍水成份，等醫生知道點樣處理中招者的不適。
毛漢當日並非遊行，亦不是示威者，但被水炮車噴中藍水，他憶述情況，仍然好火滾，「成身好似着火咁，雙眼睜不開，做咗起碼半小時盲公。」當時有好心人帶他去清真寺清洗了幾次，他即時致電浸會醫院的私家醫生，想睇急診，點知個醫生有疑難，叫佢唔好嚟，原來醫生都唔知藍水有乜成份，唔知點醫。
毛漢。 資料圖片
毛漢好勞氣咁講：「警方要講畀全港醫生知藍水成份，以便紓解中招者嘅不適，呢個係應該做嘅事。」他打了個比喻：「畀蛇咬，都要知係乜蛇，先有得救。」
另毛漢連同公民黨立法會議員譚文豪、融樂會總幹事張鳳美等人，昨午到警察總部投訴警察報案中心，正式投訴警方周日在無合理原因下，使用水炮車傷及無辜市民。
印度協會前主席毛漢(Mohan Chugani) 連同立法會議員譚文豪等人批評警方濫用武力及水炮車。 資料圖片
