好有愛心~
近日仁美清叙舉辦「童心助學柬埔寨」，森美以慈善大使身份，與主席程瑤一起前往柬埔寨作慈善探訪，程瑤說：「剛好嗰幾日我哋同森美喺柬捕寨做商演，所以特別情商森美做慈善大使，佢一口答應！今次真係要多謝森美同客戶鼎力支持，工作之餘都可以幫助有需要嘅人，希望佢哋長大後都可以幫助有需要嘅人，將呢份愛心承傳下去。」
森美（中）與仁美清叙主席程瑤（左）一起到柬埔寨作慈善探訪，森美更大受當地小朋友歡迎。
其間，一行人到當地學校探訪，除準備了小禮物送給學生預祝聖誕節外，程瑤與森美更即席示範玩「扯鈴」，後者還發揮幽默本色，大受當地學生歡迎。程瑤大爆森美於當地已有女粉絲，她說︰「森美真人好感性，我哋去探訪學生上堂嘅時候，我老公介紹森美畀學生認識，點知過咗陣，有個女仔送咗幅自畫圖畫畀森美，我見佢一收到後即刻泛起好開心嘅笑容，仲搭住個女仔同佢親切合照。」森美則表示︰「我收到禮物當然開心，估唔到喺柬埔寨都有粉絲，我哋同學生玩咗簡單遊戲同送小禮物，希望佢哋過得開心，能夠讀更多書，改變佢哋嘅生活。佢哋嘅生活同一啲發展中嘅國家一樣，因為家境貧困，無法接受正常教育。」
程瑤（左）與森美即席向當地學生示範玩「扯鈴」。
眾人又送小禮物給一班學生預祝聖誕節。
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
