願一切平安。
森美的父母目前仍困在鑽石公主號中。
停泊於日本橫濱的鑽石公主號郵輪，至今超過540人確診新冠肺炎，淪為「海上版武漢」！今日14天的隔離期終於屆滿，船上約500名完成檢疫的乘客可陸續落船，當中有20名是港人，保安局局長李家超今晨表示，船上共352名香港居民，目前確診港人增至53名，另逾200人願意乘坐港府的免費包機回港。
網上圖片
早前自爆父母滯留鑽石公主號的森美，昨日於電台節目《早霸王》中，坦言為雙親感到憂心，今日他再於節目中交代最新情況，對於有指二人回港後不願隔而遭網民炮轟，森美代為澄清：「阿媽同我講『阿仔我哋冇話唔返香港，冇話唔肯隔離』，我話我哋冇咁講，我都叫你哋返嚟要隔離。」並謂大批港人仍在等候檢驗結果，森美父母則未有收到，亦未知今天能否落船，他續道：「上唔上到機未知，唔知結果出咗未，只能透過我講畀船上嘅屋企人知，佢哋返嚟就會接受隔離，佢哋叫我講畀大家聽，同埋冇乜嘢叫我唔好再講佢哋啦。」
森美 (資料圖片)
森美又透露因日本政府未有發放資訊，乘客們只依歲數分別去檢測，其父母的好友已進行檢驗，結果身邊朋友都呈陰性，令他也尚算鬆一口氣：「我就安心啲啦，但仲未知落唔落到船，今日有幾多落到船入境處嗰邊都未知，日本檢測數字未公佈。」又叮囑成功登機回港的乘客別太疏忽，在飛機上亦要盡量做足防疫措施，他說：「我都叫爸爸媽媽如果上機唔好食嘢，去廁所要洗手清潔乾淨。」
森美 (資料圖片)
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
