中大畢業生「中產老婆論」惹熱議師弟反駁「屋邨妹」反勝「名校女」

社會事

中大畢業生「中產老婆論」惹熱議師弟反駁「屋邨妹」反勝「名校女」

2020年08月02日 14:44 最後更新：15:09

真係人各有志

年輕人拍拖揀另一半都有各種標準，家境好、收入高，自然成為「筍盤」。日前有中大畢業生在「CUHK Secrets」分享「揀女心得」，指一定要找有家底的老婆，一番「中產老婆論」惹起熱議。而前日就有另一位中大生發文反駁，細數月入2萬「屋邨妹」勝過6萬中產名校女的原因，引起很大迴響。

該名中大畢業生指，自己畢業4年，奉勸師弟老婆一定要找個有家底，起碼要中產。他舉例自己最近認識2個已畢業的女仔，「A中學係dgs（名校）， CU半神科，月入60K左右，屋企人中產。B中學係屯門村校，非三大，月入20K，住公屋」。B女性格知足肯捱苦，但凡事「求其」，亦不肯進修，令他開始失去上進心。相反A就很有目標，會陪他進步和計劃未來。「我身邊好多男人仲覺得老婆夾就好，唔洗叻同有錢。但咁諗好錯，B咁嘅女人，同你再夾，都會拖垮你同下一代。」

前日有另一名中大生發帖反駁師兄的「中產老婆論」，「你想買個御龍山2房(980萬)？唔好意思人地嫌太細太遠，最後你會被說服買灣仔囍滙2房(1600萬)，如果係屋邨妹，御龍山都開心滿足到不得了！」除了買樓，亦要被逼買貴車，「人哋爸爸揸開寶馬M5，保時捷Panamera呢種級數嘅車，你唔係諗住買平價車掛？」甚至小至買禮物，沒有名牌手袋和高級蛋糕都拿不出手，但反觀「屋邨妹」就容易滿足。發帖網民指出，除非自身亦有錢，否則不應看不起別人，「你識咁諗人，人哋都識咁諗你，冇咁大個頭唔好戴咁大頂帽」。

不過網民似乎對兩篇帖文都有不同看法，有人認為知足與否和家境無關，「屋邨妹都可以因為冇錢而貪慕虛榮㗎啫，唔好FF因為住屋邨就咁易知足先得㗎」、「唔同性格唔同質素的男仔女仔都會有人中意，人各有志......用學校、屋苑將人分類成唔同性格，真係奇怪」，亦有人認為無關伴侶知足或上進，「佢有無上進心同你無上進心咩關係？我淨係知你人生失意時，B唔會離開你，咁已經係你最大禮物」、「唔同價值觀叫互補，相同價值觀叫合拍，講到尾就係唔鍾意，唔鍾意咪認咗佢」。

往下看更多文章

中年男「一陽指」篤穿盲盒逐盒揀尖沙咀玩具店公開CCTV緝兇

2024年05月07日 12:30 最後更新：15:04

有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。

中年男子用手指篤穿盲盒

近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。

男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。

店家公開CCTV片段緝兇

男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」

店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」

網民鬧：丟假

帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。