大學生網民指保安員是一份「筍工」。
一名擁有大學學位的網民發文，他身兼兩職，日間任文職、晚上任保安，他認為保安工作相對簡單，月薪1.5萬元每日上班9小時，相對外面工作都是差不多，是一份「筍工」，指外界對保安有偏見。
資料圖片
連登討論區有網民自稱，曾經做過一年多保安，最近重操故業，「唔知點解其他人對做保安好有偏見」，他形容「呢份工性價比真係好高，我依家做呢度1.5萬返9個鐘，每日巡兩次樓，大概30層樓咗右，做嘅只係由左邊樓梯打鐘打到右邊，然後落下層，快嘅半個鐘行完，慢嘅一路睇片一路行就一個鐘左右...留意下邊層有咩問題之類，落樓就講聲畀當值主管就完，之後就坐向度睇片聽歌」
資料圖片
他認為，收入算是不錯，工作量又不多，行行走走就完，之後做私人事就沒人理，「當然最好就唔好瞓覺，要瞓覺就自己搵位，例如天台之類，座頭就唔好啦」
資料圖片
當事人又透露另一份文職月入2萬，「日頭再打多份office ，每日既生活好充實」，「我日頭9-6，中間有一個鐘食飯，通常我帶飯返工，食完就訓，呢度有一個鐘，跟住6點後因為返屋企比較近，6點半已經到屋企，訓覺到9點，沖個涼就返保安」
他感覺，對比一些工種例如侍應、快餐店店員之類，「呢份工簡直係筍，依且仲要穩定收入，返工都係9個鐘，又唔洗點做又有得坐又沒人理你做咩」。他反問，「依家我都唔會想再搵其他工，反正都係搵咁多人工，做咩要咁辛苦呢」。
有網民形容保安工作「性價比」高。示意圖片
他又指，曾有一份月入3萬的工作，但壓力大到想自殺，現時「返工就返工，放工就放工」，更可利用上班時間看書、進修，增值自己。
有人留言反過來質疑，「睇你人生想要啲咩，你唔鍾意人哋對保安有偏見，人哋都唔鍾意你對工作量多嘅工有偏見姐」。也有人認為，「但要日夜顛倒好傷身」
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
