社會事
拍動作片咁！
大老山隧道昨日凌晨在單管雙程行車期間，發生逆線行車的驚險意外，的士司機扭軚避過一輛迎面駛至的一輛七人車，但仍然不斷大叫「瀨嘢」。
事發於昨日凌晨1時半左右，據網上流傳的車Cam片段可見，的士在行駛期間見到前方貨車收慢並轉線，接著便見到一輛七人車逆線迎面駛至。
網上截圖
網上截圖
網上截圖
網上截圖
的士司機連隨「嘩」一聲驚呼並扭軚閃避，但仍傳來懷疑捱撞的巨響，的哥停車自嘆6次「噢！瀨嘢、瀨嘢、瀨嘢、瀨嘢、瀨嘢、瀨嘢」。有網民見到片段也感嘆「啲人真係好痴線」。
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
