約鄧小巧食飯慶重奪IG 許廷鏗講有味笑話拉欣宜落水

攞得返IG帳戶，Alfred真係好開心！

許廷鏗（Alfred）前晚（5日）IG帳戶被黑客入侵，頭像被換成上大波妹圖，個人資料被更改，又上載了土耳其國旗照片，黑客更不停刪除Alfred的帖文，眼見心血被毀，Alfred叫晒救命，幸好幾經波折下Alfred最終成功取回帳戶。

許廷鏗IG帳戶前晚被黑客入侵，頭像被更換成性感女生。

許廷鏗特地帶了自己新唱片的簽名海報送給小巧。

昨晚（6日），Alfred為證明自己已奪回IG帳戶控制權，相約好友鄧小巧開IG直播食飯慶祝，素顏上陣的小巧親自下廚炮製多款拿手菜色逗Alfred開心，包括青醬煮花甲、蝦仁炒蛋以及小巧最拿手的名菜紅酒燴牛尾，小巧笑言每個吃過這道菜的人，都會馬上想娶她做老婆。兩人更化身KOL，向觀眾熱情推介小巧家姐手工製作的醬料。

鄧小巧為許廷鏗炮製多款拿手菜色。

蝦仁炒蛋

青醬煮花甲

小巧最拿手的菜色，紅酒燴牛尾。

Alfred直播中重提IG帳戶被盜用一事，笑指小巧才是入侵他帳戶的人，兩人互相取笑，大講有味笑話，小巧說：「我諗住你好dry，咪擺張大啲（大波妹頭像相）囉，但原來都唔夠（大）。」

許廷鏗和友鄧小巧大講有味笑話，更拉埋好友欣宜落水。

Alfred更拉老友鄭欣宜（Joyce）落水笑言：「唔夠呀，你知我見開乜嘢，即係Joyce！」兩人笑到見牙唔見眼，認真鬼馬！

網上音樂節目《Singaholic》來到第六集，主理人鄧小巧這集找來鄭融任嘉賓。

一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

小巧唱出鄭融的代表作《紅綠燈》歡迎鄭融。

小巧指讀書時期每一次去唱K，一定會有人點《紅綠燈》。

觀看相關影片按連結：https://youtu.be/qF-gFDNP2vc?si=f6oaRHTQK8gxOA2o

節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」

鄭融外表看似野性，但原來是非酒精人士。

問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」

鄭融分享醉酒後做過最瘋的事。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」

小巧指現在多了不同身型的藝人。

鄭融自爆自己的身高已說明一切，「我真係exactly五呎，五呎一都冇。」

小巧問如果整容的話想整甚麼？

鄭融直言想增高！