學生時代的青澀感情往往無疾而終，令人惋惜。有網民近日就有幸重遇當年的暗戀對象，但心情就非常矛盾，開心的是心中女神現在單身，更說願意「試下發展」，但女神從事保險業，網民心知女神聯絡他只是為了買保單，「但又搞到我心郁郁，都唔知點覆佢好？」
女神表示願意試下發展，令網民「心郁郁」。Getty圖片
網民在香港討論區以「五年無見，她突然約我，話傾重要嘢」發文指，讀書時女神已有男友，所以只好保持友好關係，畢業後就漸漸沒有聯絡，只是會間中留意她的社交網站。日前網民突然驚喜收到女神Whatsapp訊息，問他近況如何，更問他有無時間見面。網民於是打開女神Facebook，見她已轉為單身，幾個月前才分手。不過她半年前轉做保險，「明哂，她純粹揾人買保單，所以我就諗住費事睬佢」。
女神表示願意試下發展，令網民「心郁郁」。網圖
日前女神又再Whatsapp網民，表示有重要事要告訴他，「我好直接回她『sell保險就免喇』，她回我不是為工事，純粹咁耐無見我，好想見下我。」網民已讀不回，認為她只是假意聚舊，實質是賣保單。
女神表示願意試下發展，令網民「心郁郁」。Getty圖片
豈料女神鍥而不捨又再找他，「話好掛住我，好想見我，又話自己單身，有點孤單，想揾個朋友陪，第一個就諗起我，又話睇我Facebook知我單身，又話大學時已知我好冧佢，問我有冇意思大家試下發展。」網民表示內心很亂，「估唔到佢為sell保單真係乜都噏得出，但又搞到我心郁郁，都唔知點覆佢好？」
女神表示願意試下發展，令網民「心郁郁」。Getty圖片
帖文引起熱議，有人就覺得可以赴約，「咪去囉！有機會吃埋，了咗五年前的心願」、「關鍵係你依家對佢還有熱度冇？」有人就認為「騙徒手法層出不窮」、「Sell到無人sell先搵你，為正張單咩都肯做」。
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
