揭富貴丈夫暪住買樓寫家婆名港媽憂倘離婚或爭產

社會事

揭富貴丈夫暪住買樓寫家婆名港媽憂倘離婚或爭產

2021年02月23日 20:14 最後更新：20:23

網民反應分歧，有人乘機抽水：「相信yoyo （陳自瑤）可以答你。」

富貴人家的家庭生活一般市民未必能理解，一名港媽網上發文指，本身擁有過億元豪宅的丈夫偷偷地再買樓並寫上家婆的名字，港媽擔心將來離婚時會有財產爭拗，於是向網民求助。

一名港媽在「親子王國」討論區發文指，與丈夫結婚6年、育有1個5歲兒子，近日揭發本身擁有一層過億元住宅的丈夫，暪住她再買樓寫加家婆的名義。

港媽稱，她曾經向丈夫提出離婚，「要求只係佢即刻簽名離婚，我可以唔分佢一蚊財產資金樓都唔要，但係最後佢都唔肯離」丈夫曾經答應過再置業會寫她的名字，不明白為何丈夫要隱瞞甚至曝光後都否認。

港媽稱她自己有2層住宅，而家婆本身也有2層住宅，她質疑丈夫並非是為了避稅，「係咪驚到時候離婚要分所以先簽落奶奶名下？我可以點做」、「佢寫奶奶名即係已經諗埋將來離婚，可以唔洗分。呢樣先係嬲嘅原因」，她其後補充「問咗律師，佢話冇諗住離婚冇咩可以做」。

不過網民反應分歧，有人建議「婚後大家互相尊重，而家你係咁嘈，唔通真係想離婚咩？你應該冇嘢心平氣和，暫時唔好再提，遲啲你先問佢買一間落你名囉！」；有人認為「無奶奶就無你老公啦，可能買來孝順阿媽，況且唔明點解男人搵錢買嘢畀老婆就得，買畀奶奶就唔得」、「其實樓主話以前提出過點離婚。雙方無刺嚮心，一定假！而家女想保障自己，男何來又唔係呢。如果係咁的話，樓主應該去嬲自己，無本事去買第三，四層樓，落自己同自己阿媽名。樓主如同老公關係平凡，都袋咗佢兩層樓，自己無出過錢，已叫賺啦」。

有人批評發文者講的只是富貴家庭之間的爭拗，問網民意見都無濟於事，有人甚至覺得是無病呻吟，「有錢問完律師，仲問我哋做咩呢，我哋都俾唔到專業意見」、「咁有錢都要上嚟就搞笑咗啲囉」、「口口聲聲話唔計較錢，但從回覆中都睇得出，佢心態係老公揾嘅應該全部佢都要有份，...買咗都即刻問律師，點會唔計較」。也有人乘機抽水，「相信yoyo （陳自瑤）可以答你」。

帖文轉載自「親子王國討論區」《老公瞞住自己買樓》

往下看更多文章

中年男「一陽指」篤穿盲盒逐盒揀尖沙咀玩具店公開CCTV緝兇

2024年05月07日 12:30 最後更新：15:04

有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。

中年男子用手指篤穿盲盒

近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。

男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。

店家公開CCTV片段緝兇

男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」

店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」

網民鬧：丟假

帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。