親情何價？
有踏入30歲網民慨嘆，失業後為繳交家用及患病媽媽的醫藥費，先後向銀行及財務公司借貸達十多萬元，期間只能打散工，但單親媽媽雖然在中港擁有2層物業但卻拒施以援手，祈求一眾網民能夠推介工作給他緩解財困。
「香港討論區」有中三學歷網民發文，他5年前被公司裁員，當時媽媽因為肝臟發現有多粒腫瘤，於是第一次同銀行借貸10萬元，每個月還3000多元。最初半年都還能承受欠款，但既要交家用每月1萬元，又耗盡積蓄，還要交媽媽的住院費。
男網民稱欠債十幾萬元、無工開，希望網民能介紹工作。示意圖片
他透露，「每個月嘅還款期成為我嘅壓力。頭髮越甩越多。呢五年我都返過嘅工種，早就超過過百種。」期間又向財務公司借了10萬元，每個月還5000，即每個月固定要還8000元。他平日主要滅蟲工作但都是開工不足，但近來冬天生意淡薄。
Getty示意圖片
他不忿道，「但我媽咪有兩層樓揸手，知道我咁嘅情況，都無話幫我，十幾萬，玩足我五六年。」他解釋，內地的一層樓供斷但給了外婆及舅舅住，而香港的公屋則已買斷，媽媽與胞妹住。他去年「頂唔順佢咁對我，搬走了」，所以希望網民能介紹工作。
他無奈指，「好多時候自己諗唔明，人哋借錢for玩樂，或者賭博呀等等，但我借錢畀俾屋企，到頭來還唔起，屋企人唔會幫我。心都寒埋」，他自言，「係學歷低，其他嘢都冇問題嘅，同我共事過嘅都話我異於常人、醒目、口才好，如果當年唔係人工盡畀屋企，仲走去借錢，唔會30歲仲焦頭爛額」
男網民稱如非為交家用及媽媽醫藥費，無需借銀行及財務公司導致債台高築。示意圖片
有人勸告，「欠債10幾萬借債越陷越深，同你阿媽講清楚」、「橫掂樓主都係打散工，不如破產啦，專業人士就話唔可以破產啫」、「大家都叫你申請破產點解唔去?去見工啲公司又唔會問你有無申請破產，申請破產的後遺症應該只是幾年內不得向銀行借貸，可能連信用卡都無得申請，但可以一天光晒，Why not?」。
Getty示意圖片
有過來人說，「有冇諗過做保安？而家應該請緊人，以前我都被人氹去借財務公司90000蚊，一個月還3000幾，果陣時都返兩份工嚟還錢儲錢...我試過唔還佢哋就打電話嚟恐嚇你，原本唔想煩到屋企人靠自己努力還，最後我媽咪幫我還咗60000幾蚊，我先冇再咁辛苦同自責，加油啦，願樓主有光明嘅一日，可以還清晒啲債務」。
