女友每星期要求豪住酒店 港男無奈感Staycation害人不淺

受到疫情的影響，不少市民都選擇用「Staycation」來舒緩無法去旅行的憂鬱心情。近日就有港男於討論區上訴苦指女友「Staycation」上癮，每星期都要求去酒店住，有時更花費數千元升級海景房，體驗五星級的服務，令他不勝負荷，於網上無奈表示，「呢啲所謂Staycation真係害人不淺」！

設計圖片

有港男於「香港討論區」發文表示，與女友已是半同居狀態，惟近年因疫情的緣故而無法出外旅遊。因最近 「Staycation」的興起，去年該港男亦安排了一個「Staycation」予女友慶祝生日。惟女友住酒店住上癮，每星期都要求住酒店，有時更花費數千元升級海景房或食自助餐，「普普通通Package都唔算話好貴，但佢好似貪得無厭咁，一時又話要加個Buffet dinner，去到Check In又冇啦啦要升級個套房/海景房，講緊唔喺一百幾十，喺幾舊至過千」。最近女友更要求訂五星級酒店，稱想體驗五星級服務，面對每星期數千元的支出，令港男亦大感無奈。

設計圖片

該港男亦曾向女友提出一個月只可以去兩次Staycation的建議，但女友卻直接回絕並質疑，「佢就話我係咪嫌佢煩嫌貴，佢話佢自己約其他朋友去Staycation囉，佢自己出返錢」，他最後亦直斥，「呢啲所謂Staycation真喺害人不淺」，「訂一晚豪少少既Package分分鐘夠你飛轉台灣五日四夜, 根本就係呃錢」！

設計圖片

帖文亦隨即引起不少網民的回應，有網民就直指問題在於樓主過於縱容女友，沒有認真討論問題所在。亦有網民表示其實女友並非真心喜歡，只是當他作提款機，建議應直接分手，「喺女人都想男友儲錢結婚。 一個月瞓一晚酒店無問題呀，但你女友擺明唔幫你慳錢仲狂洗，身為男人，你明啦」！

資料來源:香港討論區

有港男於討論區上訴苦指女友「Staycation」上癮。unsplash圖片

有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。

中年男子用手指篤穿盲盒

近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。

男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。

（FB影片截圖）

店家公開CCTV片段緝兇

男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」

店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」

（FB影片截圖）

網民鬧：丟假

帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。

（FB影片截圖）

網民歪樓笑：失傳已久「一陽指」

有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。

（FB影片截圖）

帖文來源：facebook