馬路如虎口，過馬路記得要小心留意路面情況。一名女途人上周日（4日）於屯明青山公路近亦園一個路口位過馬路時，突然有一架車高速駛過，幸好旁邊的重型車司機立即響咹提醒，該名女途人才及時停步，成功避過一劫。
影片截圖
屯門區議員張錦雄於社交網站分享該段車cam影片，指是一名重型車司機轉發給他的，影片的位置是青山公路近亦園的路口位。從影片顯示時間為上月29日的下午7時許，當時該輛重型車沿青山公路駛至近亦園的紅綠燈位置，有一名黑衣女途人正在準備過馬路，而重型車司機留意到旁邊有一輛車正高速駛近，於是立即響咹警告該名女途人。
影片截圖
女途人聽到響聲後隨即停下來，而後上的車輛於她面前高速閃過，過程僅得10多秒的時間，十分驚險。女途人事後亦有向重型車司機點頭致謝。
該名重型車司機向張錦雄表示，「我留意到入亦園路口前一個燈位（行人過路燈過對面青山公路），經常啲車都留意唔到轉咗紅燈，行人又有可能俾停咗嘅車阻擋視線，唔知有車衝燈」，該司機亦補充指，相信有些司機並非刻意衝燈，只是根本不知道該處有紅綠燈。
影片截圖
影片引起網民熱議，「我每次行過呢條大路一定望清楚哂無車先行出去」、「呢條馬路真係比較危險，而且等好耐都唔轉燈，啲車又衝得快」。
而該名女途人亦有留言多謝司機，「我就係個女仔，很感恩有人幫手發聲，當日綠燈我過緊馬路，㗎車衝燈，真係嚇親。幸好有司機響咹我先停得切」。
屯門一名女途人過馬路時突遇車衝燈，幸得司機響咹警告。影片截圖（FB專頁張錦雄影片）
資料來源：屯門區議員張錦雄FB專頁
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
