泳兒新歌由坑渠玩到落海 聲夢Archie、Yumi睇到嗌恐怖

完成「溝渠三部曲」後，Vincy將開一個由地底溝渠流向大海新章節。

2019年年初，泳兒（Vincy）找來合作多年的詞人周耀輝為整年的歌曲系列擔任概念指導，並決定以「花」作為主線，透視Vincy心中的種種遐想；2020年，周耀輝再為Vincy操刀，順着悅目的「花」從地上墮落到地下，流在我們心中的「溝渠」；來到2021年，「海洋」，是第三部曲的主要概念。Vincy表示：「完成咗『溝渠三部曲』，之後就開一個新嘅章節，呢個章節由地底嘅溝渠流向大海，新歌就叫做《荊棘海》。」

觀看相關影片按連結：https://youtu.be/IdyahESa__o

Vincy解構歌曲內容，「每個人生命裏面，可能會遇到好多唔同嘅考驗、掙扎、苦難，當你去承受呢啲嘢嘅時候，你會覺得有啲荊棘刺喺你身上面，有啲傷痛、痛楚，呢個感覺就好似你要不停咁掙扎去離開一個荊棘海，但呢啲經驗同苦難將會入咗你個心，你身上面會生出一啲荊棘，令到你更加強大，只要你願意跨過呢個荊棘海嘅話，就會有未來。」

Vincy指只要願意跨過呢個荊棘海嘅話，就會有未來。

MV方面，這次繼續找來過去合作無間的Sheng擔任導演，團隊走訪了南生圍、龍蝦灣、大網仔村及海星灣四個場景，從早拍到晚，拍足二十小時。由於要配合MV氣氛，團隊特意租用一間神秘感十足的大屋，工作人員更千叮萬屬Vincy切勿隨便亂動大屋內的擺設，令Vincy頓時「起晒雞皮」。

團隊特意租用一間神秘感十足的大屋

MV從上午十一時拍到第二天上午七時。

《荊棘海》

除此之外，拍攝期間，Vincy更被自己嚇親，「喺山上面跳舞時，突然間有隻好大嘅蜜蜂『嬲』住我，因為我好驚蜜蜂同埋好大隻，我就大嗌，同事話：『走咗㗎啦走咗㗎啦。』但我望到未走，一路喺我手上面，同事堅持話走咗，我話冇，最後我再望，原來係我自己黑色嘅指甲嚟，哈哈。」

拍攝期間，Vincy更被自己嚇親。

《荊棘海》

MV首播後，Vincy於社交平台開直播跟網民討論新歌，原來Vincy的「聲夢學生」冼靖峰（Archie）跟鍾柔美（Yumi）亦有觀看「老師」的直播，難得聚首一，Vincy便邀請二人齊齊直播，Archie亦十分識做，第一時間表示自己已看過MV，「都係我一貫作風，我都係聽唔明。」更着Vincy 講解歌曲內容，十分搞笑。

MV首播後，Vincy的「聲夢學生」冼靖峰跟鍾柔美都有睇「老師」的直播。

Yumi也則謂MV電影感十足，「好似一套戲咁，一開頭我係有啲驚，但係見到泳兒老師喺度我唔驚啦。」Archie亦十分同意，「一開始好暗黑嗰種感覺，令人好毛骨悚然。但你一出場嗰吓，我就舒服咗啦即刻。」聽到學生觀感，Vincy即笑說：「我係嘗試演到有啲恐怖㗎喎，但我一出嚟你哋就唔驚，咁好失敗喎。」

Archie和Yumi都覺得MV有些恐怖。

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照