推出「祝福三部曲」最終章《無能 為力》 泳兒：送俾所有感到無力嘅人

泳兒（Vincy）今年最後一首作品《無能 為力》昨日（12月27日）上架。

這亦是Vincy今年的「祝福三步曲」的最終章，顛覆負面，正視生命。歌曲依然由合作無間的馮穎琪作曲、周耀輝填詞。

泳兒「祝福三部曲」最終章《無能 為力》

MV以大量CG製作。

因為當中有很多創世、末日的影像。

「作為我年尾最後一plug ，加上倒數幾日就到2024，呢首歌，我想送俾自己同所有喺今年曾經有過一種無力感嘅你。」泳兒說道。一如之前兩首歌，團隊都是先確定了「無能為力」這四個字及主題，歌曲名字看似負面，其實「負中帶正」，「簡單嚟講，就係假如我哋感覺夠了無能，可能就會化為力量，所謂無能者的力量。」Vincy續說：「然後提醒我哋，當感到冇能力，或者有人覺得你冇能力嘅時候，正係你最需要力量嘅時候，因為you are more than what you think you are or what others might think you are. 唔好睇輕自己，亦都唔好俾人睇輕你，要將無能轉化為力量。」Vincy表示最喜歡「看一切多麼剔透」這句歌詞，「當你有能力看透，就會變得輕而有力量。」

相關影片可以按以下畫面觀看：

影片連結：https://youtu.be/EPYCIxnls0I

Vincy表示歌曲名字看似負面，其實「負中帶正」。

希望靚歌曲送給所有感到無力的人。

MV以大量CG製作，因為當中有很多創世、末日的影像，加上曲詞亦「去得好盡」，因為MV亦必需呼應。MV導演Shing指出，相比以往兩首祝福歌的MV，這次更直接，「觀眾一睇就知。末端出現嘅天使，唔係我哋平時諗嘅樣，係比較可怕，可能係怪物，但我想表達嘅係，其實怪物都係人類創造出嚟，死神、末日都係一樣。」Vincy坦言想以音樂表達出凡事都有反面，「死有生，天堂有地獄，所以『無能有力』。」

以音樂表達出凡事都有反面。

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照