籲市民節約用水吉祥物滴惜仔「天堂論」掀熱議

社會事

籲市民節約用水吉祥物滴惜仔「天堂論」掀熱議

2021年09月12日 16:40 最後更新：18:43

水務署吉祥物「滴惜仔」經常在社交網站分享慳水心得，呼籲市民節約用水。日前，滴惜仔就在FB專頁發文，呼籲市民沖涼期間不應該胡思亂想，要「快快手」以免長開花灑導致浪費食水。然而，網民焦點卻紛紛放在其中一幅有關天堂論的帖文上，惹起熱議。

帖文指：「阿媽平時成日話我唔諗嘢，梗係啦，沖涼嗰陣先靈感男神上身，一邊捽胳肋底，一邊思考人生㗎……你哋又會諗啲乜呢？不過諗還諗，長開花灑諗嘢好嘥水㗎，快快手沖完好出返嚟喇！」

滴惜仔又在帖文圖片中，舉出數個胡思亂想的例子，例如是「我右手寫字，左手拎叉，咁到底我係左囿定右囿呢」、「蕃茄同雞蛋同一時間炒，會變成蕃茄炒蛋定蛋炒蕃茄」、「人死咗會去天堂，咁龜死咗係咪會去海天堂呢」。

其中最後一個例子「人死咗會去天堂，咁龜死咗係咪會去海天堂呢」，在帖文上載後旋即引起熱議，就連「Ben Sir」歐陽偉豪都留言表示「呢個掂」，不少網民都紛紛笑指「好地獄，但忍唔住笑咗」、「陸龜去咗海天堂會唔會遇溺死多次」。

另外，不少網民都發表自己的奇思妙想，例如「如果柯栢文買保險，要買車保定人壽」、「做任務嗰陣死咗係咪去任天堂」等等，就連食安中心的吉祥物「食安仔」都特意留言，表示：「我成日諗，檸檬最驚咩水果？冬甩個爸爸又係邊個？」

往下看更多文章

鄰居搬貨入屋大門遭刮花「入晒肉」港男崩潰求助：賠錢找鄰居定搬運公司？

2024年05月01日 12:30

搬屋過程若不慎刮花其他單位的大門，責任究竟屬於鄰居還是搬運公司？

責任屬鄰居亦或搬運公司

換樓、買新樓、租新屋，每個人的少則經歷一兩次，多則六七八九次甚至更多，搬屋現場基本都是兵荒馬亂，搬傢俬時刮花牆身、門身無可避免，如果過程中不慎刮花其他單位的大門，那責任究竟屬於鄰居還是搬運公司？

日前就有網民發文指，鄰居家的搬運工人在搬貨期間意外刮花自己屋企大門，而刮痕更是深到「入晒肉」，求助無門之下唯有發文向網民請教解決方法。

兩條刮痕「入晒肉」

該網民在Facebook群組「家居維修交流平台」發文，指「隔離（鄰居）搬嘢Hi（揩）花咗我道大門，入晒肉。」該網民同時公開大門外的閉路電視片段，只見工人在搬運一件長條形貨物時，貨物意外撞上事主單位大門，他其後再檢查自家大門，發現上面多出兩條明顯痕跡，更形容刮痕甚深「入晒肉」，不過工人似乎察覺到已刮花事主單位的大門。