港女患卵巢癌需切子宮保命 奶奶欲追孫怒喊：冇得再生呀？

婆媳問題實在屢見不鮮。有人妻早前確診患上初期卵巢癌，丈夫得知力撐她進行子宮切除手術，但一直希望有兩個孫仔的奶奶卻有極大反應，直呼「妳冇咗子宮？！即係冇得再生呀？！我個仔條命係有兩個仔㗎喎！」，令她非常心淡及無奈。

Getty設計圖片

該名人妻在社交媒體Facebook群組「同住奶奶好惡頂自由討論區」發文，指奶奶一直不喜歡她，早年她與丈夫談戀愛時遇上車禍，奶奶曾說出「最好撞死佢（人妻）」。她推測奶奶認定兒子很富有，若不是她的出現，「啲錢就係屬於佢」。

設計圖片

人妻指，婚後已誕下一子及一對孖女，直至最近發現患有初期卵巢癌，丈夫非常關心她的身體，要求醫生為她做子宮切除手術，表示「盡快切晒我老婆抽牛雜保平安，冇咗老婆，生幾個都冇用」。不過奶奶得知後，竟對新抱表示「妳冇咗子宮？！即係冇得再生呀？！我個仔條命係有兩個仔㗎喎！」，令她非常心淡，亦沒有要求丈夫與奶奶對質，指「我唔想佢哋因為我愈來愈仇，我唔care佢哋仇其他嘢，但我唔想做其中一個原因」。

設計圖片

不少網民看完帖文後，紛紛安慰人妻，指「樓主有個好老公，老公態度至緊要」、「妳做得好好，呢個心腸唔好嘅奶奶，唔值得妳花精神同口水同佢講任何嘢！最緊要有個當妳係寶嘅老公！」，亦有人大讚人妻的丈夫，「妳做得好好！妳老公都係，咁先係一個男人！」

《BB來了》劇照

資料來源：「同住奶奶好惡頂自由討論區」FB

九龍灣有司機疑無視車場出入口高度限制，強行將貨車駛入慘被「開罐頭」剷頂，網民笑「開蓬貨車」。

(FB圖片）

司機疑未有留意出入口車輛高度限制

有網民於Facebook群組「馬路的事討論區」發文，表示同事轉發他兩張照片，事發地點為九龍灣一貨運中心車場出入口，一輛貨車司機懷疑未有留意出入口車輛高度限制，導致貨櫃頂部與出入口上方牆壁發生碰撞，造成嚴重損壞。

貨車慘遭「開罐頭」車頂被鏟飛

照片顯示，貨車的橙色車頂被車場出入上方的石屎牆剷起，貨櫃的側面也被擠彎變形，入面的貨物飲品甚至被撞到東歪西倒，一名穿紅衣的男士正狼狽地整理。

(FB圖片）

網民認出涉事地點是三湘九龍灣貨運中心

照片曝光後，有眼利網民認出，涉事地點是三湘九龍灣貨運中心「好似係三湘落地牢位喎」、「三湘地下樓底好矮」、「下面最多入貨VAN，可樂車邊有可能落倒去架？」、「密斗可以入，不過有高度限制」、「個條石屎邊已經好多戰績」、「個樓底充滿歲月痕跡」、「我之前渣個架係5.5入到去，個西客係要指定交入邊個間UPS，出來個下要慢慢開」。

(FB圖片）

網民笑似「開蓬貨車」

有網民不但不同情，更取笑表示「開蓬貨車」、「可能司機昨晚開罐頭，未回魂」、「車爛咗唔緊要，貨要送埋先」、「司機：我只係識揸車，有路就行有窿就捐，其他理得你！」、「好明顯同公司有仇」、「只能怪自己冇睇高度提示牌」、「公司故意俾架比平時高啲嘅車佢揸，等佢出意外，整蠱司機」、「打工最多賠$300」。

（Google截圖）

帖文來源：Facebook群組「馬路的事討論區」