欣宜連奪女歌手金獎及最喜愛女歌手 感覺好癲又黐線

鄭欣宜在商台頒獎禮上首奪「叱咤樂壇女歌手」金獎，以及「我最喜愛的女歌手」，榮升雙料歌后，她直言從未得到這個頒獎禮的歌手獎，一來就奪金，感覺「好癲好黐線」。在新城及昨晚商台頒獎禮上，攞獎攞不停，欣宜謂：「唔關我事，要多謝公司為我出咗好多作品，等大家不斷聽到我嘅聲音同睇到我嘅MV，令人留意我，亦都好多謝大家投我票，冇忘記同放棄我。」

欣宜和馮允謙同樣得到歌手獎項。

欣宜好友林欣彤得到女歌手銅獎。

欣宜連奪兩個女歌手大獎，她亦難以置信。

欣宜得女歌手金獎時，攬着好友許廷鏗激動落淚，她笑言對方比自己喊得更厲害，並指坐車到場時，回想起10年前與許廷鏗及林欣彤是同一年一起首度參加商台頒獎禮，眨眼已當了歌手10年，因此覺得這兩個獎特別有意義。會否覺得為媽媽沈殿霞爭光？欣宜自言沒視自己為星二代，因每個人的起步點都不同，重點是做好每個作品，之前常笑說有妄想症，會說獎項是自己，但原來真的要有這份心態才能做好每一個工作，就像吸引力法則。

欣宜去年的努力終於得到回報。

宣佈得到女歌手金獎，欣宜在台下攬着許廷鏗。

在台上泣不成聲。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。