本港疫情急轉直下，政府早前宣布食肆晚6朝5禁堂食。一名打工仔於討論區發文指，公司於上周五（7日）起在午飯及放工時間鎖上所有會議室及房間，要求員工留在座位用膳，避免外出吃飯。惟打工仔發現公司一眾高層卻繼續出外午膳，令他甚不滿，批評高層未有做好榜樣，事件引起熱論。
資料圖片
該名打工仔於「香港討論區」發文，指平時如果要加班都會買外賣返回公司，在會議室開餐，偶爾也會與相熟同事一起吃飯。不過為響應政府禁堂食，公司於上周五（7日）起，決定鎖上會議室及房間，「Lunch Time（午飯時間）同放工時間公司閂晒啲會議室嘅門，大大小小嘅房都閂咗」，禁止員工一起吃飯。公司亦明言希望員工於午飯時間盡量留在自己的位置用餐，「唔好出去食」。
資料圖片
樓主透露，近日發現一眾高層「柴娃娃咁出去食飯」，令他大感不滿，批評公司雙重標準，「一邊叫人唔好出去食，一邊班高層又出去食飯，咁你話我哋會唔會睬你呀？」、「你自己都唔做好榜樣，仲想我哋做細嘅跟？」。
資料圖片
帖文引起熱論，有網民批評樓主的公司「講一套做一套」，「高層同高官貴人一樣，佢哋可以做，但唔代表你哋低層都可以」、「永遠都係高層講一套做一套㗎啦」；亦有人則指公司無規定不能出外用餐，「公司有無限制唔畀出去食lunch（午餐）？只係建議又無話唔畀，咁仲有乜好嘈？」、「你都可以出去㗎，唔建議咋嘛，又無禁你」。
公司為響應政府禁堂食，鎖門禁止員工入房食飯。網圖
資料來源：香港討論區
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
