造型及宣傳照被指抄襲韓團 COLLAR冇回應到電台受訪分享入團心情

人紅是非多～

ViuTV新女團COLLAR昨日（12日）出道，8位成員包括三甲的Marf（邱彥筒）、阿Gao（沈貞巧）及Day（許軼）另外5位成員則有Ivy So（蘇雅琳）、WINKA（陳泳伽）、李芯駖、So Ching（蘇芷晴）及Candy（王家晴），昨日（12日）記者會上同時公佈女團logo及處女歌《Call My Name！》的宣傳海報，但今日有網友發現海報卻與韓國組合NCT的專輯《Resonance》的照片幾乎一樣。另外，COLLAR其中一張組合造型照，亦被網友指跟韓國男團EXO的造型照相近。

網友指COLLAR處女歌宣傳相，跟韓團NCT的其中一張十分相近。

NCT這個作品於2020年推出。

又被指抄EXO。

COLLAR的造型宣傳相。

此外，又有網友指COLLAR的logo，同樣跟少女時代的撞款，甚至指COLLAR於昨日在記者會上的造型及甫士，亦跟日本動漫《JoJo的奇妙冒險》甚為相近，因此指COLLAR有抄襲之嫌。但亦有網友力撐COLLAR，貼出早年香港的24味宣傳相，也跟COLLAR的十分相似，笑言她們是抄24味，至於logo，則有網友指跟超人的「S」logo更相近，故此難以定斷是否抄襲。

有網友又指COLLAR昨日的造型和甫士跟日本動漫《JOJO》相似。

但亦有網友撐COLLAR，指24味也曾有近似的宣傳相。

連logo都話抄.......

另外，COLLAR今日接受商台《叱咤樂壇》節目訪問。再問到各人收到通知入選女團的心情，其中Candy表示：「收到通知時心情都比較平靜，5點收通知，7點要返去簽約，未有足夠時間去消化成件事，所以當刻都比較冷靜，但內心都會覺得係開心」，而Ivy So 表示回去簽約那一刻，已經覺得有女團的感覺，因為公司已安排一系列的schedule時間表，芯駖則謂：「完全冇諗過可以入到女團，以為收電話係通知入唔到」。

COLLAR今日率先到商台接受訪問。

到最後節目尾聲，Marf大爆Candy ：「其實唔係咁文靜，平時好多嘢講。」Candy即扮鬼扮馬，攬完Ivy so又錫Day的手，後來Candy才發現原來直播還在進行中，立即非常錯愕，不少網民留言大讚Candy可愛。 

各人分享收到入團通知的心情。

Winka自爆錄影「Chill Club」前緊張到失眠。

樂隊Nowhere Boys（NWB）最近與人氣女團COLLAR成員陳泳伽（Winka）推出合唱歌《異人之野望》，MV中打機過關的動漫情節深受樂迷喜愛，大讚有型兼熱血。他們日前為ViuTV音樂節目「Chill Club」錄影，首次以Live Band形式表演新歌。雖然琴鍵兼小提琴手漁佬因外遊未有現身，不過依然無阻四子與Winka Rock爆錄影廠。Winka自爆緊張到失眠，感激NWB的「軍醫」結他手Ken於MV拍攝當晚出手相救。

樂隊Nowhere Boys與COLLAR成員Winka以Live Band形式表演新歌《異人之野望》。

NWB與Winka「黑Rock」型爆Look現身錄影廠，一埋位綵排火速進入狀態，喚醒心中的搖滾魂，順利完成拍攝後更互相擊掌大叫好玩。首次以Live Band形式合唱《異人之野望》，Winka錄影前一晚緊張到失眠。她說：「因為我太耐無夾Band，同埋好耐無唱過Band嘅歌。​​噚晚有少少緊張，但去到現場戴晒耳機感受到你哋嘅氣場。頭先綵排咗兩次，我就開始進入狀態，呢首歌唱完有叉返電嘅感覺。」主音Van提議要多些現場演繹新歌，Winka同意並提議說：「不如以後你哋出任何騷都帶埋我去。」NWB一眾成員立即豎起手指公表示贊成，Van表示歡迎，「嘩，咁我哋就會有更多觀眾睇啦！」

NWB與Winka「黑Rock」型爆Look現身錄影廠。

回想《異人之野望》創作過程，Van表示歌曲在Demo時名字是《Coins》，講一個關於「推銀機」遊戲的故事。他說：「當不停入錢，通常都係會輸。但一中Jackpot時，啲金幣不停冧落嚟，就係想寫嗰一吓快感，所以漁佬彈琴方法都係好似有嘢冧落嚟嘅感覺。呢首歌想講每個人都有機會爆發，成為一個英雄。」他們將新歌故事告訴填詞人Oscar，繼而寫出一首充滿日本動漫感覺的歌曲，MV導演亦拍了有關忍者的故事。

Van

首次與NWB合作，Winka已經與各人打成一片，她形容Van就如「大佬」一樣照顧所有人，更感激「軍醫」Ken於MV拍攝當晚出手相救。Van解釋說：「平時邊個Bandmate冧咗，都會有軍醫，佢就係阿Ken，因為佢有祖傳穴位按摩。」他隨後分享拍MV的趣事，更大讚Winka非常專業。Van說：「Winka拍MV前一晚只係瞓咗一個鐘就要嚟拍打戲，大家睇MV就知佢同Nate打得幾狠。打咗成日，拍埋Band Shot已經拍咗14、15個鐘，見佢面青口唇白，就問佢介唔介意俾阿Ken按摩。」

爽快回應說：「唔介意！按完之後醒咗，啲血即刻通咗，衝咗上個腦度。」

Winka感激「軍醫」Ken於MV拍攝當晚出手相救。

今次的合作開心又順利，將來會再有音樂上的合作嗎？他們異口同聲表示「好想」。Van提議將Winka的個人單曲改成搖滾版，而Winka則表示已經有諗法，更叫樂迷敬請期待，還一臉滿足表示《異人之野望》完整了心中的版圖，「之前未有歌表達我嘅熱血同中二病，呢首歌完整咗呢個位置。」Van笑說：「最鍾意同中二病人合作，你睇下我哋之前合作過嘅人。」Winka興奮說：「成日幻想自己係女殺手，睇完啲特務戲，我又會幻想自己係。（Van：咁你要拍多啲戲。）不如搵我做多啲女殺手，我好願意。」

Winka與NWB都異口同聲表示「好想」再合作。