Chill Club表演現怪聲獲道歉釋懷 許廷鏗自資出碟體會前老闆用心

許廷鏗做老闆後要開源節流兼不影響質素，才知道好花時間。

許廷鏗今晚（27日）為全新黑膠專輯《2021》舉行試聽音樂會，這是他自組公司後，兼人生第一隻黑膠碟，紀錄他在2021年的不同感受，甚有紀念價值。問到出黑膠碟的成本是否更高？他笑言身邊朋友多，大家都很樂意幫忙，而且印刷又有贊助，不過做老闆後，的確要慳得一蚊得一蚊，要開源節流又不可以影響質素：「原來一手一腳去做一隻碟並不容易，很多謝以前的唱片公司老闆，我做過才知道，以前以為一些鎖碎事很簡單，但原來好花時間，試過校對校到零晨6點都仍然找到錯處，沒有試過真的不會知道。」

許廷鏗今晚為全新黑膠專輯《2021》舉行試聽音樂會。

許廷鏗自資出碟體會前老闆用心 日前表演現怪聲獲道歉釋懷

新碟印刷1231隻，許廷鏗表示是對應12月31日是一年的最後一天，他很開心預購反應很好，並謂為杜絕炒風，他在社交網舉辦活動，對應黑膠碟的號碼日子出帖文，讓有意購買的人留言分享，就有機會預購其新碟，他笑言收到不少有意義的留言，認為這班有心人不會用來炒賣。

許廷鏗為杜絕炒風，預購其新碟要透過活動進行。

另外，許廷鏗日前在《CHILL CLUB推介榜 年度推介21/22》表演時，大會工作人員發生失誤事件，令演出失色，他坦言一開始有不開心，但事後收到大會的道歉，亦收到很多人對他的支持和鼓勵，又指以往演出時也遇過音響有問題等不同情況，而且大會亦有作出補救，為他整了一個修復版，令壞事變成好事。

資料圖片

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。